ଭୁବନେଶ୍ବର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନକୁ ଦେଶବ୍ୟାପୀ ରାଷ୍ଟ୍ରୀୟ ବେରୋଜଗାର ଦିବସ ଭାବରେ ପାଳନ କରୁଛି କଂଗ୍ରେସ(Odisha Youth Congress) । ଏହି ପରିପ୍ରେକ୍ଷୀରେ ରାଜ୍ୟ ଯୁବ କଂଗ୍ରେସ ମଧ୍ୟ ଅଭିନବ ଢ଼ଙ୍ଗରେ ବେରୋଜଗାର ଦିବସ ପାଳନ କରିଛି । ଦେଶରେ ବେରୋଜଗାର ବୃଦ୍ଧି ପାଉଥିବା ଅଭିଯୋଗରେ ରାଜରାସ୍ତାରେ ବୁଲି ବୁଲି ଭିକ୍ଷା ମାଗିଛି କଂଗ୍ରେସ । ଆଜି ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ । ତେବେ ଏହି ଦିନକୁ ପ୍ରତିବର୍ଷ ରାଷ୍ଟ୍ରୀୟ ବେରୋଜଗାର ଦିବସ(Unemployment Day) ଭାବରେ ପାଳନ କରୁଛି କଂଗ୍ରେସ ।
ନରେନ୍ଦ୍ର ମୋଦିଙ୍କ ଜନ୍ମଦିନ, ଯୁବ କଂଗ୍ରେସ ପାଳିଲା ଜାତୀୟ ବେରୋଜଗାର ଦିବସ ଦେଶରେ ରୋଜଗାରର ଅଭାବ ଦିନକୁ ଦିନ ବୃଦ୍ଧି ପାଇବାରେ ଲାଗିଥିବାବେଳେ, ପ୍ରଧାନମନ୍ତ୍ରୀ ପ୍ରତିବର୍ଷ ୨ କୋଟି ଯୁବକଙ୍କୁ ରୋଜଗାର ଦେବାର ମିଥ୍ୟା ପ୍ରତିଶ୍ରୁତି ଦେଇଥିବା କଂଗ୍ରେସ ଅଭିଯୋଗ କରିଛି । ଦେଶରେ ବିଭିନ୍ନ ସ୍ଥାନରେ ବିଭିନ୍ନ ଢଙ୍ଗରେ ଦଳ ନରେନ୍ଦ୍ର ମୋଦିଙ୍କ ଜନ୍ମଦିନକୁ ଜାତୀୟ ବେରୋଜଗାର ଦିବସ ଭାବରେ ପାଳନ କରୁଛି ।
ଏହା ମଧ୍ୟ ପଢ଼ନ୍ତୁ...ବିଜେଡିରେ ମିଶିଲେ ସୁନାବେଡା ପୌରାଧ୍ୟକ୍ଷ ରାଜେନ୍ଦ୍ର ପାତ୍ର
ସେହିଭଳି ରାଜଧାନୀ ଭୁବନେଶ୍ବରରେ ମଧ୍ୟ ଏହି ଜାତୀୟ ବେରୋଜଗାର ଦିବସର ଝଲକ ଦେଖିବାକୁ ମିଳିଛି । ରାଜ୍ୟ ଯୁବ କଂଗ୍ରେସ ପକ୍ଷରୁ ମାଷ୍ଟର କ୍ୟାଣ୍ଟିନ ଛକ ଠାରେ ଅଭିନବ ଢଙ୍ଗରେ ବୁଲି ବୁଲି ଭିକ୍ଷା ସଂଗ୍ରହ କରାଯାଇଛି । ଟ୍ରାଫିକ ଉପରେ ଅଟକି ଥିବା ଗାଡି ଗୁଡିକରୁ ଯୁବ କଂଗ୍ରେସ କର୍ମୀମାନେ ଭିକ୍ଷା ମାଗି ଟଙ୍କା ଆଦାୟ କରିଛନ୍ତି । ସେହିପରି ରାସ୍ତାରେ ମଧ୍ୟ ଯାଉଥିବା ଗାଡି ମଟର ଅଟକାଇ ଭିକ୍ଷା ମାଗିଛନ୍ତି । ଦିନକୁ ଦିନ ବେରୋଜଗାର ବଢିବାରେ ଲାଗିଥିବାରୁ ଯୁବବର୍ଗଙ୍କ ପାଇଁ ଏହା ମୁଣ୍ଡ ବିନ୍ଧାର କାରଣ ପାଲଟିଛି । ତେଣୁ ଦେଶ ସାରା ଦେଶରେ କଂଗ୍ରେସ ଆଜି ଏହି ଦିବସକୁ ଜୋତା ପଲିସ ଠାରୁ ଆରମ୍ଭ କରି ଭିକ ମାଗିବା ଓ ରାସ୍ତା ମଝିରେ ପକୋଡ଼ି ଛାଣିବା ଭଳି ଅଭିନବ ଢଙ୍ଗରେ ପ୍ରତିବାଦ କରୁଛି ।
ଏହି କାର୍ଯ୍ୟକ୍ରମରେ ରାଜ୍ୟ ଯୁବ କଂଗ୍ରେସର ବହୁ ନେତା ଓ କର୍ମୀ ଉପସ୍ଥିତ ରହିଥିଲେ । ତେବେ ଯୁବ କଂଗ୍ରେସ ସଭାପତି ସ୍ମୃତି ରଞ୍ଜନ ଲେଙ୍କା କହିଛନ୍ତି, "କେନ୍ଦ୍ରରେ ନରେନ୍ଦ୍ର ମୋଦି ସରକାରରେ ଭାରତର ଯୁବବର୍ଗ ସବୁଠାରୁ ବେଶୀ ପ୍ରତାରିତ ହୋଇଛନ୍ତି । ସରକାରୀ ତଥ୍ୟ ଅନୁସାରେ ବର୍ତ୍ତମାନ ଦେଶରେ ୪୫ ବର୍ଷରେ ସର୍ବାଧିକ ବେକାରୀ ଯୁବକ ରହିଛନ୍ତି । ସେଥିପାଇଁ ସାରା ଦେଶରେ ବିଭିନ୍ନ ବର୍ଗର ଶିକ୍ଷିତ ଯୁବଗୋଷ୍ଠୀ ଆଜିର ଦିନକୁ ରାଷ୍ଟ୍ରୀୟ ବେରୋଜଗାର ଦିବସ ଭାବରେ ପାଳନ କରୁଛନ୍ତି । ଯୁବ କଂଗ୍ରେସ କର୍ମୀମାନେ ବିଭିନ୍ନ ସ୍ଥାନରେ ଜୋତା ପଲିସ କରିବା ଠାରୁ ଆରମ୍ଭ କରି ଭିକ୍ଷା ମାଗିବା ତଥା ରାସ୍ତା କଡ଼ରେ ପକୋଡ଼ି ଛାଣିବା ଭଳି ଅଭିନବ ଉପାୟରେ ପ୍ରତିବାଦ କରାଯାଉଛି ।"
ଇଟିଭି ଭାରତ, ଭୁବନେଶ୍ବର
