ଭୁବନେଶ୍ବର: ଜାତୀୟସ୍ତରରେ ପୁନର୍ବାର ସମ୍ମାନିତ ହୋଇଛି ଓଡିଶା । ରାଜ୍ୟ ସରକାରଙ୍କ ବିକାଶମୂଳକ କାର୍ଯ୍ୟ ପାଇଁ ଓଡିଶାକୁ ମିଳିଛି ଦୁଇଟି ଜାତୀୟ ସମ୍ମାନ । ମଙ୍ଗଳବାର କେନ୍ଦ୍ର ଗୃହ ଓ ସହର ବିକାଶ ମନ୍ତ୍ରୀ ହରଦୀପ ସିଂହ ପୁରୀଙ୍କ ପକ୍ଷରୁ ଘୋଷଣା କରାଯାଇଥିବା ଜନାଗ୍ରହ ସିଟି ଗଭର୍ଣ୍ଣାନ୍ସ ପୁରସ୍କାର ମଧ୍ୟରୁ 2ଟି ପୁରସ୍କାର ହାସଲ କରିଛି ଓଡିଶା ।
17 ଟି ରାଜ୍ୟରୁ 54 ଆବେଦନକାରୀଙ୍କ ସହ ପ୍ରତିଦ୍ବନ୍ଦିତା କରି ପାଞ୍ଚଟି ପୁରସ୍କାର ବର୍ଗ ମଧ୍ୟରୁ ଦୁଇଟିରେ ଓଡିଶା ବିଜେତା ଘୋଷିତ ହୋଇଛି । ଆଇନ ପ୍ରଣୟନ, ନୀତି ପ୍ରଣୟନ, ସହର ଏବଂ ରାଜ୍ୟରେ ସହରାଞ୍ଚଳ ବିକେନ୍ଦ୍ରୀକରଣକୁ ସଫଳତାର ସହ ଆଗକୁ ନେବା ପାଇଁ ରାଜ୍ୟ ସରକାରଙ୍କ ଜାଗା ମିଶନ ଅନ୍ତର୍ଗତ ଗୃହ ଏବଂ ନଗର ଉନ୍ନୟନ (H & UDD) ଏହି ପୁରସ୍କାର ଲାଭ କରିଛି ।