ଭୁବନେଶ୍ବର: ଭୋପାଳରେ ଆୟୋଜିତ ପ୍ରଥମ ହକି ଇଣ୍ଡିଆ ପୁରୁଷ ଜୁନିଅର ଏକାଡେମୀ ଜାତୀୟ ଚମ୍ପିଆନ୍ସିପ୍ ୨୦୨୧ରେ କମାଲ କଲା ଓଡ଼ିଶା ଦଳ । ଏହି ଚମ୍ପିଆନ୍ସିପ୍ରେ ଓଡ଼ିଶା ନାଭାଲ ଟାଟା ହକି ଦଳ ରୌପ୍ୟ ପଦକ ହାସଲ କରିଛି । ଫାଇନାଲ ମ୍ୟାଚ୍ରେ ମଧ୍ୟ ପ୍ରଦେଶ ହକି ଏକାଡେମୀକୁ ଭେଟିଥିଲା ଓଡି଼ଶା । ଏହ ମ୍ୟାଚରେ ଉଭୟ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା ।
ଏହି ମ୍ୟାଚ୍କୁ ମଧ୍ୟ ପ୍ରଦେଶ ହକି ଏକାଡେମୀ ୧-୩ ଗୋଲ୍ରେ ଜିତି ନେଇଛି । ମ୍ୟାଚରେ ଉଭୟ ଦଳ ଉଭୟଙ୍କୁ ୩ଟି ଲେଖାଏଁ ଗୋଲ୍ ଦେଇଥିଲେ । ଏହାପରେ ଦୁଇ ଦଳ ମଧ୍ୟରେ ପେନାଲ୍ଟି ସୁଟ୍ ଆଉଟ୍ ହୋଇଥିଲା । ଏଥିରେ ଓଡ଼ିଶା ଦଳ ମଧ୍ୟ ପ୍ରଦେଶକୁ କେବଳ ଗୋଟିଏ ଗୋଲ ଦେବାକୁ ସକ୍ଷମ ହୋଇଥିଲା । ସେପଟେ ମଧ୍ୟ ପ୍ରଦେଶ ଦଳ ଓଡ଼ିଶାକୁ ପେନାଲ୍ଟି କର୍ଣ୍ଣରରେ ୩ଟି ଗୋଲ୍ ଦେଇ ମ୍ୟାଚ୍ରେ ବିଜୟ ହାସଲ କରିଛି ।