ଭୁବନେଶ୍ବର: କୃଷି ଭବନରେ ରାଜ୍ୟ କୌଶଳ ପ୍ରତିଯୋଗିତାର 2ୟ ସଂସ୍କରଣ ଓଡିଶା ସ୍କିଲ୍-2020 ଉଦଘାଟିତ ହୋଇଛି । ଆସନ୍ତା ଏପ୍ରିଲ 28 ରୁ 30 ତାରିଖ ପର୍ଯ୍ୟନ୍ତ ରାଜ୍ୟସ୍ତରୀୟ କୌଶଳ ପ୍ରତିଯୋଗିତା ଚାଲିବ । ଏହି ପ୍ରତିଯୋଗିତାରେ ରାଜ୍ୟର 15 ହଜାର ଛାତ୍ରଛାତ୍ରୀ ଅଂଶଗ୍ରହଣ କରିବେ। ଆସନ୍ତାକାଲି ଠାରୁ ସାରା ଓଡିଶାରେ ଲିଖିତ ପରୀକ୍ଷା କରାଯିବ।
ଓଡିଶା ସ୍କିଲ୍-2020ର ଦ୍ବିତୀୟ ସଂସ୍କରଣ ଉଦଘାଟିତ, ଆସନ୍ତାକାଲିଠୁ ଲିଖିତ ପରୀକ୍ଷା
କୌଶଳ ପ୍ରତିଯୋଗିତାରେ 6 ଟି କ୍ଷେତ୍ରରେ 46 ଟି କୌଶଳ ବର୍ଗରେ ରାଜ୍ୟର 15 ହଜାର ଛାତ୍ରଛାତ୍ରୀ ଅଂଶଗ୍ରହଣ କରିବେ। ଏହି ପ୍ରତିଯୋଗୀତାରେ କୃତି ଛାତ୍ରଛାତ୍ରୀ ଓଡିଶା ପାଇଁ ଇଣ୍ଡିଆ ସ୍କିଲ୍ସରେ ପ୍ରତିଦ୍ବନ୍ଦିତା କରିବେ । 2021ରେ ସାଂଘାଇରେ ଆରମ୍ଭ ହେବାକୁ ଥିବା ବିଶ୍ବ ସ୍କିଲ୍ସରେ ଓଡିଶା 2 ଟି ସ୍ବର୍ଣ୍ଣ, 4 ଟି ରୌପ୍ୟ ଓ 6 ଟି ବ୍ରୋଞ୍ଜ ମେଡାଲ ଜିଣିବ ବୋଲି ଆଶା ରହିଛି।