ଭୁବନେଶ୍ବର: ଲକଡାଉନ ପରେ ବି ରାଜ୍ୟରେ କମିବାର ନାଁ ନେଉନି ଦୈନିକ ସଂକ୍ରମଣ । ଦିନକୁ ଦିନ ମାରାତ୍ମକ ହେଉଛି ମହାମାରୀ । ମେ ରେ ସଂକ୍ରମଣ ବଢିବା ନେଇ କରାଯାଇଥିବା ଅନୁମାନ ସତ ହୋଇଛି । ଲଗାତାର କିଛି ଦିନ ହେବ ରାଜ୍ୟରେ ଦୈନିକ 10ରୁ 11ହଜାର ସଂକ୍ରମିତ ଚିହ୍ନଟ ହେବାରେ ଲାଗିଛନ୍ତି । ଆଜି(ବୁଧବାର) ରାଜ୍ୟରେ ପୁଣି 11 ହଜାର 623ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ 2021 ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଆଜିର ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ସଙ୍ଗରୋଧରୁ 6ହଜାର 509ଜଣ ଚିହ୍ନଟ ହୋଇଥିବାବେଳେ 5ହଜାର 114ଜଣ ସ୍ଥାନୀୟ ସଂକ୍ରମଣର ଶିକାର ହୋଇଛନ୍ତି । ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ଅନୁଗୋଳରୁ 823, ବାଲେଶ୍ବରରୁ 508,ବଲାଙ୍ଗୀରରୁ 170, ବରଗଡରୁ 257,ଭଦ୍ରକରୁ 461, ବୌଦ୍ଧରୁ 206, କଟକରୁ 988, ଦେଓଗଡରୁ 86, ଢେଙ୍କାନାଳରୁ 441, ଗଜପତିରୁ 76, ଗଞ୍ଜାମରୁ 158, ଜଗତସିଂହପୁରରୁ 315, ଯାଜପୁରରୁ 560, ଝାରସୁଗୁଡାରୁ 184ଜଣ ପଜିଟିଭ ଚିହ୍ନଟ ହୋଇଛନ୍ତି ।