ଭୁବନେଶ୍ବର:ରାଜ୍ୟରେ ଚାଲିଥିବା ତ୍ରୀସ୍ତରୀୟ ପଞ୍ଚାୟତ ନିର୍ବାଚନରେ ହୋଇଥିବା ଗଣ୍ଡଗୋଳ ବୁଥ ଟାମ୍ପରିଂ ଓ ଅନ୍ୟାନ୍ୟ ଅଭିଯୋଗ ପରେ ଆସନ୍ତା 23ରେ ହେବ ସାନି ମତଦାନ ।
ଏହି ଦିନ ରାଜ୍ୟର 4ଟି ଜିଲ୍ଲା ଯାଜପୁର, ଢେଙ୍କାନାଳ, ପୁରୀଓ ଭଦ୍ରକର ୪୫ ଟି ବୁଥରେ ହେବ ସାନି ମତଦାନ । ସକାଳ ୯ ଟାରୁ ଅପରାହ୍ନ ୩ ଟା ଯାଏଁ ମତଦାନ ହେବ । ସାନି ମତଦାନ ହେବାକୁ ଥିବା ଭୋଟଗ୍ରହଣ କେନ୍ଦ୍ରରେ କଡା ସୁରକ୍ଷା ବ୍ୟବସ୍ଥା ସହ ମତଦାନ ହେବ । ଭଦ୍ରକ ଜିଲ୍ଲାର ସଦର ବ୍ଲକର ୪ଟି, ବନ୍ତ ବ୍ଲକର ଗୋଟିଏ, ଢେଙ୍କାନାଳ ଜିଲ୍ଲା ଗନ୍ଦିଆ ବ୍ଳକର ୪ଟି, ଯାଜପୁର ଜିଲ୍ଲା ସଦର ବ୍ଲକର ୯ ଟି, ଧର୍ମଶାଳା ବ୍ଲକର ୨ ଟି, ପୁରୀ ଜିଲ୍ଲା ବ୍ରହ୍ମଗିରି ବ୍ଲକର ଗୋଟିଏ, କୃଷ୍ଣପ୍ରସାଦ ବ୍ଲକର ଗୋଟିଏ, କଣାସ ବ୍ଲକର ୩ ଟି ମତଦାନ କେନ୍ଦ୍ରରେ ସାନି ମତଦାନ ହେବ ।