ଭୁବନେଶ୍ବର: ଆସନ୍ତା ସାଧାରଣତନ୍ତ୍ର ଦିବସରେ ଓଡ଼ିଶା ପ୍ରଜ୍ଞାପନ ମେଢ ସ୍ଥାନ ପାଇବା ପ୍ରସଙ୍ଗ । ପାଇକ ବିଦ୍ରୋହକୁ ନେଇ ହୋଇଥିବା ଏହି ମେଢକୁ ଶେଷ ପର୍ଯ୍ୟାୟରେ ବାଦ କରିବା ପରେ ପ୍ରତିବାଦ କରିଛି ଓଡ଼ିଶା ପାଇକ ଏକାଡ଼େମୀ । ଏନେଇ ପୁନଃବିଚାର ପାଇଁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିବାକୁ ମୁଖ୍ୟମନ୍ତ୍ରୀଙ୍କୁ ନିକଟରେ ଦାବି କରାଯାଇଛି ।
ଦିଲ୍ଲୀ ପରେଡ଼ରେ ଓଡ଼ିଶା ପ୍ରଜ୍ଞାପନ ମେଢ ବାଦ୍, ପୁନର୍ବିଚାର ପାଇଁ ପାଇକଙ୍କ ଦାବି
ରାଜଭବନ ସମ୍ମୁଖରେ ଓଡ଼ିଶା ପାଇକ ଏକାଡ଼େମୀ, ସମରକଳା ଏକାଡ଼େମୀ ଆଦି ବହୁ ଅନୁଷ୍ଠାନ ପକ୍ଷରୁ ଏକ ପ୍ରତିବାଦ ଧାରଣା ସହ ପାଇକ ଆଖଡ଼ା ପ୍ରଦର୍ଶନ କରାଯାଇଛି । ପାଇକମାନଙ୍କ ପାଇଁ ଏହା ଅତ୍ୟନ୍ତ ଦୁର୍ଭାଗ୍ୟ ଓ ପରିତାପର ବିଷୟ । ଏଣୁ ନିଷ୍ପତ୍ତିର ପୁନର୍ବିଚାର ପାଇଁ କେନ୍ଦ୍ର ସରକାରଙ୍କ ନିକଟରେ ଦାବି ସହ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଦୃଷ୍ଟି ଆକର୍ଷଣ କରିବାକୁ ମୁଖ୍ୟମନ୍ତ୍ରୀଙ୍କୁ ନିବେଦନ କରାଯାଇଛି ।