ଭୁବନେଶ୍ବର: ଆସନ୍ତା 11 ତାରିଖରେ ଆନ୍ଦୋଳନକୁ ଓଲ୍ଲାଇବ ଓଡିଶା କେନ୍ଦୁପତ୍ର କର୍ମଚାରୀ ସଙ୍ଘ। ସରକାର କେନ୍ଦୁପତ୍ର ତୋଳାଳୀଙ୍କ ହିତ ବିରୁଦ୍ଧରେ ରେଞ୍ଜ, ସେକ୍ସନ, ଫଡ଼ି ଉଚ୍ଛେଦ, ମଜୁରୀ ହ୍ରାସ ଭଳି ଯେଉଁ ଘୋଷଣା କରିଛନ୍ତି ତାହାକୁ ବିରୋଧ କରି ଏହି ଆନ୍ଦୋଳନ କରାଯିବାକୁ ନିଷ୍ପତ୍ତି ନିଆଯାଇଥିବା ସଙ୍ଘର ସଭାପତି ବିଜୟ କୁମାର ମହାନ୍ତି ପ୍ରକାଶ କରିଛନ୍ତି।
ମାର୍ଚ୍ଚ 11ରେ ଆନ୍ଦୋଳନକୁ ଓଲ୍ଲାଇବ ଓଡିଶା କେନ୍ଦୁପତ୍ର କର୍ମଚାରୀ ସଙ୍ଘ
ଶୁକ୍ରବାର ଏନେଇ ଭୁବନେଶ୍ବରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସଭାପତି କହିଛନ୍ତି ଯେ, ମାନ୍ଦାବସ୍ଥାର ଦ୍ବାହି ଦେଇ ସରକାର ଶ୍ରମିକ ମାରଣ ନୀତି ଆପଣାଇଛନ୍ତି। ଏହାକୁ ବିରୋଧ କରି ଗତ ମାର୍ଚ୍ଚ 2 ଓ 3 ତାରିଖରେ ଓଡ଼ିଶାର ବିଭିନ୍ନ ରେଞ୍ଜ ଓ ଡିଭିଜନ ମାନଙ୍କରେ ଆନ୍ଦୋଳନ କରାଯାଇଥିଲା ।