ଭୁବନେଶ୍ବର: ନୟାଗଡ ଯଦୁପୁର ଠାରେ ପରୀ ହତ୍ୟା ମାମଲା ଖବର ସଂଗ୍ରହ ସମୟରେ ଏକ ଘରୋଇ ଚ୍ୟାନେଲ ରିପୋର୍ଟର ଓ କ୍ୟାମେରାମ୍ୟାନଙ୍କୁ ବିଜେପି କର୍ମୀଙ୍କ ଆକ୍ରମଣ ଘଟଣାକୁ ଭୁବନେଶ୍ୱରର ବିଭିନ୍ନ ସମ୍ବାଦିକ ସଙ୍ଗଠନ ପକ୍ଷରୁ ନିନ୍ଦା କରାଯାଇଛି । ଏନେଇ ଜୟଦେବ ଭବନଠାରେ ଠାରେ ସାମ୍ବାଦିକମାନେ ପ୍ରତିବାଦ କରିବା ସହ ରାଜ୍ୟପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି ।
ସାମ୍ବାଦିକ ଆକ୍ରମଣ ଘଟଣାକୁ ତୀବ୍ର ନିନ୍ଦା ,ରାଜ୍ୟପାଳଙ୍କୁ ଦାବିପତ୍ର
ଏପଟେ ବିଭିନ୍ନ ରାଜନୈତିକ ଦଳର ନେତା ମାନେ ମଧ୍ୟ ଏହି ଘଟଣାକୁ ଦୃଢ ଭାବରେ ନିନ୍ଦା କରିଛନ୍ତି । ଏଭଳି ଘଟଣା କୁ କଂଗ୍ରେସ ନେତା ସୁର ରାଉତରାୟ ଓ ବିଜେଡି ନେତା ସଂଜୟ ଦାସବର୍ମା ମଧ୍ୟ କଡା ସମାଲୋଚନା କରିଛନ୍ତି । ଏନେଇ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସୁର ରାଉତରାୟ ।