ଭୁବନେଶ୍ବର: ଦିଲ୍ଲୀ ପୋଲିସକୁ ସମର୍ଥନ କଲା ଓଡିଶା ଆଇପିଏସ ଅଫିସର ଆସୋସିଏସନ । ଦିଲ୍ଲୀ ପୋଲିସକୁ ଓକିଲଙ୍କ ଆକ୍ରମଣ ଘଟଣାକୁ ନିନ୍ଦା କରିଛି ଓଡିଶା ସଂଘ । ଆଇପିଏସ ଆସୋସିଏସନ ଏନେଇ ଦିଲ୍ଲୀ ପୋଲିସକୁ ସମର୍ଥନ ଦେବାସହ ଘଟଣାର ଦୃଢ ନିନ୍ଦା କରିଛି । ଏକ ଚିଠି ମାଧ୍ୟମରେ ସଂଘ ନିଜ ସମର୍ଥନ ବ୍ୟକ୍ତ କରିବା ସହ ଏଭଳି ସମ୍ବେଦନଶୀଳ ଘଟଣାର ଉଚ୍ଚିତ ତଦନ୍ତ କରି ପଦକ୍ଷେପ ନେବାକୁ ଓଡିଶା ସଂଘ ସରକାରଙ୍କୁ ଅନୁରୋଧ କରିଛି ।
ସୂଚନାଯୋଗ୍ୟ ଯେ, ପାର୍କିଂକୁ ନେଇ ହୋଇଥିବା ବିବାଦ ଉଗ୍ରରୂପ ନେଇଥିଲା । ଏଥିରେ ଓକିଲ-ପୋଲିସ ମଧ୍ୟରେ ହାତାହାତି ପରିସ୍ଥିତି ହୋଇଥିଲା । ଯେଉଁଥିରେ 20 ଜଣ ପୋଲିସ ଓ ସଂଖ୍ୟାଧିକ ଓକିଲ ଆହତ ହୋଇଥିଲେ । ଏହି ଘଟଣାକୁ ନେଇ ଗତକାଲି 11ଘଣ୍ଟାରୁ ଉର୍ଦ୍ଧ୍ବ ସମୟ ଧରି ଦିଲ୍ଲୀ ପୋଲିସ ଆନ୍ଦୋଳନରେ ବସିଥିଲା । ଯାହାକୁ ଦେଶର ବିଭିନ୍ନ ରାଜ୍ୟର ପୋଲିସ ସମର୍ଥନ କରୁଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ