ଭୁବନେଶ୍ବର: ରାଷ୍ଟ୍ରୀୟ ବାଲ ପୁରସ୍କାର ବିଜେତା ବନିତା ଦାସଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ପ୍ରଫେସର ଗଣେଶୀ ଲାଲ। ଗତକାଲି ରାଷ୍ଟ୍ରୀୟ ବାଳିକା ଦିବସ ଅବସରରେ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର 2021 ପାଇଛନ୍ତି ନବରଙ୍ଗପୁର ଜିଲ୍ଲା ଉମରକୋଟର ବନିତା ଦାସ । ସେ କ୍ଷୁଦ୍ର ଗ୍ରହ ଆବିଷ୍କାର କ୍ଷେତ୍ରରେ ନିଜର କାର୍ଯ୍ୟ ପାଇଁ ଏହି ପୁରସ୍କାରରେ ସମ୍ମାନିତ ହୋଇଛନ୍ତି।
ଏହା ମଧ୍ୟ ପଢନ୍ତୁ : ନବରଙ୍ଗପୁର ଝିଅ ବନିତା ପାଇଲେ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର
ନବରଙ୍ଗପୁର ଜିଲ୍ଲାର ବନିତା ଦାସଙ୍କ ଏଭଳି କୃତିତ୍ବକୁ ନେଇ ଶୁଭେଚ୍ଛା ଜଣାଇଛନ୍ତି ରାଜ୍ୟପାଳ । ରାଷ୍ଟ୍ରୀୟ ବାଳିକା ଦିବସ ଅବସରରେ ସାରା ଦେଶର ୨୯ ଜଣ ବାଳିକାଙ୍କୁ ରାଷ୍ଟ୍ରୀୟ ବାଲ ପୁରସ୍କାର 2021 ପ୍ରଦାନ କରାଯାଇଛି। ସେମାନଙ୍କ ମଧ୍ୟରେ ସାମିଲ ଥିଲେ ଓଡିଶାର ବନିତା ଦାସ । ତାଙ୍କର କ୍ଷୁଦ୍ର ଗ୍ରହ ଆବିଷ୍କାର କାର୍ଯ୍ୟକୁ ମଧ୍ୟ ପ୍ରଶଂସା କରିଛନ୍ତି ରାଜ୍ୟପାଳ ।
ସୂଚନାଥାଉକି ମଧ୍ୟପ୍ରଦେଶର ଅମରକଣ୍ଟକ ଜବାହାର ନବୋଦୟ ବିଦ୍ୟାଳୟରେ ଏକାଦଶ ଶ୍ରେଣୀରେ ଅଧ୍ୟୟନ କରୁଛନ୍ତି ବନିତା ଦାସ । ସେ ନାସାର ଏକ ପ୍ରଜେକ୍ଟରେ କ୍ଷୁଦ୍ର ଗ୍ରହ ଆବିଷ୍କାର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
TAGGED:
Rashtriya Bal Puraskar 2021