ଭୁବନେଶ୍ବର: ରାଜଧାନୀର ଏକ ସ୍ଥାନୀୟ ହୋଟେଲରେ ରଙ୍ଗାରଙ୍ଗ ପରିବେଶ ମଧ୍ୟରେ ଓଡିଶା ଫୁଟବଲ କ୍ଲବର କିଟ ଉନ୍ମୋଚିତ ହୋଇଛି । ଏହି ଉତ୍ସବରେ ମୁଖ୍ୟ ଅତିଥିଭାବେ କ୍ରୀଡା ଓ ଯୁବସେବା ବିଭାଗର ନିର୍ଦ୍ଦେଶକ ଭିନିଲ କ୍ରିଷ୍ଣ ଯୋଗ ଦେଇ ଓଡିଶା ଏଫସିର ଜର୍ସି ଉନ୍ମୋଚନ କରିଛନ୍ତି । ଏପଟେ ଓଡ଼ିଶାର ଯୁବବର୍ଗଙ୍କୁ ଫୁଟବଲ ଖେଳର ଜାତୀୟ ସ୍ତରରେ ପହଞ୍ଚାଇବା ଓ ଫୁଟବଲକୁ ଓଡିଶାରେ ଅଧିକ ଲୋକପ୍ରିୟ କରିବା ଓଡିଶା ଏଫସିର ଲକ୍ଷ୍ୟ ବୋଲି କହିଛନ୍ତି ଓଡିଶା ଏଫସିର ନିର୍ଦ୍ଦେଶକ ରୋହନ ଶର୍ମା।
ଓଡି଼ଶା ଏଫସିର କିଟ ଉନ୍ମୋଚିତ
କିଟ ଉନ୍ମୋଚନ ହେବା ପୂର୍ବରୁ ପ୍ରଥମେ ଓଡ଼ିଶାର ସଂସ୍କୃତି ଓ ପରମ୍ପରାର ପ୍ରଦର୍ଶନ ଯଥା ଯୋଡ଼ା ଶଙ୍ଖ ବାଦନ ଓ ଗୋଟିପୁଅ ନୃତ୍ୟ ପ୍ରଦର୍ଶନ କରାଯାଇଥିଲା । ଏହା ପରେ ଟିମ ସିଇଓ ଆଶିଷ ଶାହ, ନିର୍ଦ୍ଦେଶକ ରୋହନ ଶର୍ମା ରାଜ୍ୟ କ୍ରୀଡା ବିଭାଗ ନିର୍ଦ୍ଦେଶକ ଭିନିଲ କ୍ରିଷ୍ଣାଙ୍କ ଦ୍ବାରା କିଟ ଉନ୍ମୋଚିତ ହୋଇଥିଲା।