ଭୁବନେଶ୍ବର: ରାଜ୍ୟରେ କମୁଛି ଇଞ୍ଜିନିୟରିଂ ପାଠ୍ୟକ୍ରମର ଚାହିଦା । ଛାତ୍ରଛାତ୍ରୀଙ୍କୁ ଆକର୍ଷିତ କରିପାରୁନାହିଁ ଆଉ ଇଞ୍ଜିନିୟରିଂ ଶିକ୍ଷା । ଲାଗାତାର ଭାବେ କମୁଛି ଛାତ୍ରଛାତ୍ରୀଙ୍କ ସଂଖ୍ୟା । ଖାଲି ପଡୁଛି ହାଜର ହଜାର ସିଟ ।
ଶନିବାର ବିଧାନସଭାରେ ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ ଏହି ସୂଚନା ଦେଇଛନ୍ତି । ମନ୍ତ୍ରୀଙ୍କ ସୂଚନା ଅନୁସାରେ ରାଜ୍ୟର ମୋଟ 93 ଟି ଇଞ୍ଜିନିୟରିଂ କଲେଜରେ 31 ହଜାର 174 ସିଟ ରହିଛି । ସେଥିମଧ୍ୟରୁ 2019-20 ଶିକ୍ଷା ବର୍ଷରେ 19 ହଜାର 429 ସିଟ ଖାଲି ପଡିଛି । ମନ୍ତ୍ରୀଙ୍କ ତଥ୍ୟ ଅନୁସାରେ ମୋଟ ସିଟରୁ ପ୍ରାୟ 60 ପ୍ରତିଶତ ସିଟ ଖାଲି ପଡିଛି । କେବଳ 11 ହଜାର 745 ସିଟରେ ଛାତ୍ରଛାତ୍ରୀ ନାମ ଲେଖାଇଛନ୍ତି ।