ଭୁବନେଶ୍ବର:ଦାବି ପୂରଣ ପାଇଁ ଷ୍ଟିୟରିଂ ଛାଡ଼ ଆନ୍ଦୋଳନ ଡାକରା ଦେଲା ଓଡିଶା ଡ୍ରାଇଭର ସଙ୍ଘ । ଆସନ୍ତା କାଲି ଗାଡ଼ି ଚଳାଇବେ ନାହିଁ ଡ୍ରାଇଭର । ଏନେଇ ଓଡ଼ିଶା ଡ୍ରାଇଭର ସଙ୍ଘ ଘୋଷଣା କରିଛି । ସଙ୍ଘର ସମ୍ପାଦକ ଚୈତନ ପ୍ରଧାନ ସମସ୍ତ ଡ୍ରାଇଭରଙ୍କୁ ଗାଡ଼ି ନ ଚଳାଇ ଷ୍ଟିୟରିଂ ଛାଡ଼ ଆନ୍ଦୋଳନରେ ସାମିଲ ହେବାକୁ ଆହ୍ବାନ କରିଛନ୍ତି । ଡ୍ରାଇଭରମାନେ ସେମାନଙ୍କର ନ୍ୟାର୍ଯ୍ୟ ଦାବି ପାଇଁ ଯିଏ ଯେଉଁଠି ରହିଲେ ମଧ୍ୟ ଏହି ଆନ୍ଦୋଳନରେ ସାମିଲ ହେବାକୁ ଅନୁରୋଧ କରିଛନ୍ତି ।
ଷ୍ଟିୟରିଂ ଛାଡ଼ ଆନ୍ଦୋଳନ, ଡାକରା ଦେଲା ଓଡ଼ିଶା ଡ୍ରାଇଭର ସଙ୍ଘ
ଏହାଦ୍ବାରା ସରକାରଙ୍କ ଉପରେ ପ୍ରଭାବ ପଡ଼ିବ । କାରଣ ଗାଡ଼ି ମଟର ବନ୍ଦ ରହିଲେ ଅର୍ଥନୀତିରେ ପ୍ରଭାବ ପଡ଼ିବ । ଯାତ୍ରିବାହୀ ଯାନଠୁ ଆରମ୍ଭ କରି ମାଲବାହୀ, ଅଟୋ ପର୍ଯ୍ୟନ୍ତ ସମସ୍ତ ଡ୍ରାଇଭର ଷ୍ଟିୟରିଂ ଛାଡ଼ିବାକୁ ଆହ୍ବାନ ଦେଇଛି ଓଡିଶା ଡ୍ରାଇଭର ସଙ୍ଘ । ଆଜିର ଆନ୍ଦୋଳନ ପରେ ମନ୍ତ୍ରୀଙ୍କ ସହ ଆଲୋଚନା ହୋଇଥିଲା ।