ଭୁବନେଶ୍ବର: ରାତାରାତି ପୋଲିସ ମହାନିର୍ଦ୍ଦେଶକ (ଡିଜି)ଙ୍କୁ ବଦଳି ଘଟଣାକୁ ନେଇ ଉଭୟ ବିରୋଧୀ ବିଜେପି ଓ କଂଗ୍ରେସ ସରକାରଙ୍କୁ ଘେରିଛନ୍ତି । ସରକାରଙ୍କର କୌଣସି ଅଫିସରଙ୍କ ଉପରେ ଭରସା ରହୁନି, ଯେଉଁ ଅଧିକାରୀ ସରକାରଙ୍କ ମୁତାବକ କାମ କରୁନାହାନ୍ତି ତାଙ୍କୁ ହଟାଯାଉଛି ବୋଲି ପ୍ରତିକ୍ରିୟା ରଖିଛନ୍ତି ବିଜେପି ବିଧାୟକ ଜୟ ନାରାୟଣ ମିଶ୍ର ।
ବଦଳିଲେ ଡିଜି: ବର୍ଷିଲେ ବିରୋଧୀ, ଉତ୍ତର ରଖିଲା ବିଜେଡି
ସେହିପରି ପୋଲିସ ଡିଜିଙ୍କୁ ହଟାଇବା ପ୍ରସଙ୍ଗରେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ପ୍ରତିକ୍ରିୟା ରଖିଛନ୍ତି । ବିକେ ଶର୍ମାଙ୍କୁ ନିଯୁକ୍ତି ଦେବା ପୂର୍ବରୁ କଣ ସରକାର ଜାଣି ନଥିଲେ ତାଙ୍କର କାର୍ଯ୍ୟକଳାପ ବିଷୟରେ ? ‘ଡିଜି ଏଠି କଣ୍ଢେଇ, କିକ ମାରି ଡିଜିଙ୍କୁ ବାହାର କରିବା ସରକାରଙ୍କ ପୁରୁଣା ଅଭ୍ୟାସ ।’ ପୂର୍ବରୁ ଏମିତି ଅନେକ ଉଦାହରଣ ରହିଥିବା କହିଛନ୍ତି ତାରା ।