ଭୁବନେଶ୍ବର:ଓଡ଼ିଶା ପହଁଞ୍ଚିଲେ ପୂର୍ବତନ ଅନ୍ତର୍ଜାତୀୟ କ୍ରିକେଟର ତଥା ଓଡ଼ିଶାର କ୍ରିକେଟର ନୂଆ କୋଚ ୱାସିମ ଜାଫର । OCA ପକ୍ଷରୁ କରାଗଲା ସ୍ବାଗତ ।
ଓଡ଼ିଶାର ମୁଖ୍ୟ କୋଚ ଭାବେ ନିଯୁକ୍ତ ହେବା ପରେ ଜାଫର ପ୍ରଥମ ଥର ପାଇଁ ଓଡ଼ିଶା ଆସିଛନ୍ତି। ଭୁବନେଶ୍ବରରେ ପହଁଞ୍ଚିବା ପରେ ତାଙ୍କୁ ଓସିଏ ପକ୍ଷରୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା। କିଛି ସମୟ ପରେ ଭୁବନେଶ୍ବରରୁ କଟକ ଯିବେ ଜାଫର । କଟକ ଠାରେ ସନ୍ଧ୍ୟାରେ ଏକ ପ୍ରେସମିଟ କରିବେ ବୋଲି ସୂଚନା ରହିଛି।
ଏବେ ଓଡିଶା ଦଳରେ ବହୁ ଯୁବ ପ୍ରତିଭାବାନ ଖେଳାଳି ଅଛନ୍ତି । ସେମାନଙ୍କୁ ଯଦି ଠିକ ପ୍ରଶିକ୍ଷଣ ଦିଆଯିବ ଆଗକୁ ଭଲ ପ୍ରଦର୍ଶନ କରିବେ । ଓଡି଼ଶା ଦଳର ମୁଖ୍ୟ କୋଚ ଭାବେ ଏହି ଗୁରୁ ଦାୟିତ୍ବ ଦେଇଥିବାରୁ ଓଡି଼ଶା କ୍ରିକେଟ ଆସୋସିଏସନକୁ କୃତଜ୍ଞତା ଜଣାଇଲେ ଜାଫର ।
ଦିନକୁ ଦିନ ଫର୍ମାଟ ବଦଳୁଛି ଏବଂ ଖେଳାଳିଙ୍କ ଖେଳିବା ଷ୍ଟାଇଲ ମଧ୍ୟ ପରିବର୍ତ୍ତନ ହଉଛି ଏବେ ଯୁବ କ୍ରିକେଟର ମାନେ ଆଇପିଏଲ ଉପରେ ବିଶେଷ ଭାବେ ଫୋକସ କରୁଛନ୍ତି । ଯଦି ଆଗାମୀ ସୟଦ ମୁସ୍ତାକ ଅଲ୍ଲୀ ଟ୍ରଫିରେ ଓଡି଼ଶାର କିଛି କ୍ରିକେଟର ଭଲ ପ୍ରଦର୍ଶନ କରନ୍ତି ତେବେ ତାଙ୍କୁ ଆଗକୁ ମଧ୍ୟ ଖେଳିବାର ସୁଯୋଗ ମିଳିପାରେ ବୋଲି କହିଛନ୍ତି ଜାଫର ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ