ଭୁବନେଶ୍ବର: ରାଜ୍ୟରେ ଖୁବ ଶୀଘ୍ର ପ୍ରକାଶ ପାଇବାକୁ ଯାଉଛି ସ୍ନାତକୋତ୍ତର ପ୍ରବେଶିକା ପରୀକ୍ଷା ଫଳ। ନଭେମ୍ବର 16ରେ ସିପିଇଟି ପରୀକ୍ଷା ଫଳ ପ୍ରକାଶ ପାଇବା ନେଇ ଘୋଷଣା କରିଛି ରାଜ୍ୟ ଉଚ୍ଚଶିକ୍ଷା ବିଭାଗ ।
ପରୀକ୍ଷା ପରିଚାଳନା କର୍ତ୍ତୃପକ୍ଷ ମିହିର କୁମାର ଦାସ ପରୀକ୍ଷା ଫଳାଫଳର ତାରିଖ ଏବଂ ନାମଲେଖା ପ୍ରକ୍ରିୟା ତାରିଖକୁ ନଭେମ୍ବର 5 ଯାଏଁ ବୃଦ୍ଧି କରିଥିଲେ । ତେବେ ଏବାବଦରେ ଅଫିସିଆଲ ୱେବସାଇଟ( https://pg.samsodisha.gov.in)ରେ ବିଜ୍ଞପ୍ତି ପ୍ରକାଶିତ ହୋଇଛି |
ସରକାରୀ ବିଜ୍ଞପ୍ତି ଅନୁଯାୟୀ ଛାତ୍ରଛାତ୍ରୀମାନେ ନଭେମ୍ବର 10 ରାତି 11ଟା 45 ପୂର୍ବରୁ ପରୀକ୍ଷାଫଳ ସଂଶୋଧନ ଅପଡେଟ କରାଇପାରିବେ । ତେବେ ଏନେଇ ଏକାଡେମିକ ମ୍ୟାନେଜମେଣ୍ଟ ସିଷ୍ଟମ୍ (SAMS)ରେ ଆବେଦନ କରିବାକୁ ପଡିବ ।
|
ପରୀକ୍ଷା ଫଳାଫଳ ଏବଂ ରାଜ୍ୟସ୍ତରୀୟ ମେରିଟ ତାଲିକା ନଭେମ୍ବର 16ରେ ପ୍ରକାଶ ପାଇବ । ଏହାପରେ ଡିସେମ୍ବର 10ରେ ଶିକ୍ଷାଦାନ ଆରମ୍ଭ ହେବ ବୋଲି କୁହାଯାଇଛି । ଛାତ୍ରମାନେ ନିମ୍ନ ପ୍ରଦତ୍ତ ଅଫିସିଆଲ ୱେବସାଇଟର ସିଧାସଳଖ ଲିଙ୍କକୁ ଯାଇ ପରୀକ୍ଷା ଫଳାଫଳ ବିଷୟରେ ଅଧିକ ସୂଚନା ପାଇପାରିବେ ।
