ଦିଲ୍ଲୀ ଗସ୍ତରେ ଓଡିଶା କଂଗ୍ରେସ ନେତା

ଦଳୀୟ ହାଇକମାଣ୍ଡଙ୍କ ଡାକରାରେ ଦିଲ୍ଲୀ ଅଭିମୁଖେ ବାହାରିଲେ ଓଡିଶାର କଂଗ୍ରେସ ନେତା । ଅଧିକ ପଢନ୍ତୁ

ଭୁବନେଶ୍ବର: ଦିଲ୍ଲୀ ଅଭିମୁଖେ ରାଜ୍ୟ କଂଗ୍ରେସ ନେତା । ଦଳୀୟ ହାଇକମାଣ୍ଡଙ୍କ ଡାକରାରେ ଦିଲ୍ଲୀ ଗସ୍ତରେ ଯାଇଛନ୍ତି କଂଗ୍ରେସ ନେତା ଏକାଧିକ ନେତା ଦିଲ୍ଲୀ ଗସ୍ତ କରିଛନ୍ତି । ଏହି ତାଲିକାରେ ଅଛନ୍ତି, ଶରତ ପଟ୍ଟନାୟକ, ବିଧାୟକ ମହମ୍ମଦ ମୋକିମ, ସୁରେଶ ରାଉତରାୟ, ସନ୍ତୋଷ ସିଂହ ସାଲୁଜା, ରାଜନ ଏକ୍କା, ରମେଶ ଜେନା, ପୂର୍ବତନ ପିସିସି ସଭାପତି ଜୟଦେବ ଜେନା ଓ ଚିରଞ୍ଜୀବ ବିଶ୍ବାଳ ।

କଂଗ୍ରେସ ନେତାମାନେ ରାହୁଲ ଓ ସୋନିଆ ଗାନ୍ଧୀଙ୍କୁ ଭେଟିବାର କାର୍ଯ୍ୟକ୍ରମ ଥିବା ଜଣାପଡିଛି । ଓଡିଶା ପ୍ରଦେଶ କଂଗ୍ରେସ କମିଟିର ନୂଆ ସଭାପତି(OPCC), ବିଧାୟକ ଦଳ ନେତା(CLP) ପରିବର୍ତ୍ତନ ସହ ଆସନ୍ତା 2024 ନିର୍ବାଚନରେ ଦଳକୁ ଅଧିକ ସୁଦୃଢ କରିବା ଦିଗରେ ଆଲୋଚନା ହେବ ବୋଲି ଜଣାପଡିଛି । ଦିଲ୍ଲୀ ଗସ୍ତ ନେଇ ଶରତ ପଟ୍ଟନାୟକ କହିଛନ୍ତି, PCC ସଭାପତି ରେସ୍‌ରେ ମୁଁ ନାହିଁ । ଓଡିଶା ପିସିସି ସଭାପତି ଚୟନ ନେଇ ହାଇକମାଣ୍ଡ ଯାହା ନିଷ୍ପତ୍ତି ନେବେ ତାହା ଆମେ ସମସ୍ତେ ମାନିବୁ ।

ସଙ୍ଗଠନ ସମ୍ପର୍କରେ ଆଲୋଚନା କରିବୁ ।'' କଂଗ୍ରେସ ନେତା ଜୟଦେବ ଜେନା ଦିଲ୍ଲୀ ଗସ୍ତ ପୂର୍ବରୁ କହିଛନ୍ତି ଯେ, ''କେବଳ ପିସିସି ଚୟନ ନେଇ ଆମେ ଦିଲ୍ଲୀ ଯାଉନାହୁଁ, ବରଂ 2024 ପାଇଁ ରଣନୀତି ପ୍ରସ୍ତୁତ ହେବ । ଆଗାମୀ ନିର୍ବାଚନରେ କିପରି ଦଳ ମୁକାବିଲା କରିବ ସେନେଇ ଆଲୋଚନା କରାଯିବ । ଓଡିଶାରେ ବର୍ତ୍ତମାନ କଂଗ୍ରେସ ଦୁର୍ବଳ ସ୍ଥିତିରେ ଅଛି । 135 ବର୍ଷର ପୁରୁଣା କଂଗ୍ରେସ ଦକୁ ରାଜ୍ୟରେ ମଜବୁତ କରାଯିବ ।''

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ