ଉଦ୍ଧବଙ୍କୁ ଟ୍ବିଟ କରି ଶୁଭେଚ୍ଛା ଜଣାଇଲେ ନବୀନ

ଟ୍ବିଟ କରି ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଉଦ୍ଧବଙ୍କ ନେତୃତ୍ବରେ ନୂଆ ସରକାର ଜନତାଙ୍କ ବିଶ୍ବସ ଜିତିବା ସହ ସେମାନଙ୍କ ସେବା କରିବେ ବୋଲି ନବୀନ ଲେଖିଛନ୍ତି ।

ଭୁବନେଶ୍ବର: ମହାରାଷ୍ଟ୍ର ମହା ନାଟକର ଅନ୍ତ ଘଟାଇ ମୁଖ୍ୟମନ୍ତ୍ରୀ ସିଂହାସନ ଦଖଲ କରିଛନ୍ତି ଉଦ୍ଧବ ଠାକରେ । ଗୁରବାର ମୁମ୍ବାଇର ଐତିହାସିକ ଶିବାଜୀ ପାର୍କରେ ମହାରାଷ୍ଟ୍ରର 19 ତମ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଉଦ୍ଧବ । ଶପଥର ଗୋଟିଏ ଦିନ ପରେ ନିଜ ପଦଭାର ସମ୍ଭାଳିଥିବା ଉଦ୍ଧବଙ୍କୁ ବିଭିନ୍ନ ମହଲରୁ ଶୁଭେଚ୍ଛା ସୁଅ ଛୁଟୁଛି । ଶୁକ୍ରବାର ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଅଭିନନ୍ଦନ ଜଣାଇଛନ୍ତି ।

ନବୀନ ଟ୍ବିଟ କରି ଲେଖିଛନ୍ତି ଯେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବାରୁ ଉଦ୍ଧବ ଠାକରେଙ୍କୁ ଶୁଭେଚ୍ଛା । ଉଦ୍ଧବଙ୍କ ନେତୃତ୍ବରେ ନୂଆ ସରକାର ଜନତାଙ୍କ ବିଶ୍ବସ ଜିତିବା ସହ ସେମାନଙ୍କ ସେବା କରିବେ ବୋଲି ନବୀନ ଲେଖିଛନ୍ତି ।