ଭୁବନେଶ୍ବର: ଶାନ୍ତ ଓ ନମ୍ର ମୁଖ୍ୟମନ୍ତ୍ରୀ ଭାବରେ ବେଶ ପରିଚିତ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ନିର୍ବିବାଦୀୟ ଛବିକୁ ନେଇ ଶାସନ ଅନେକ ସଫଳତାର ସିଢି ଚଢିଛନ୍ତି ନବୀନ । ଆଉ ସାଉଁଟିଛନ୍ତି ସାଧାରଣ ଲୋକଙ୍କ ସ୍ନେହ, ଭଲପାଇବା ଓ ପ୍ରଶଂସା । କେବେହେଲେ ନବୀନଙ୍କ ବିରୋଧରେ ଜନ ଅସନ୍ତୋଷର ଝଲକ ଦେଖିବାକୁ ମିଳିନାହିଁ । IANS-CVoter ସର୍ଭେରେ ମଧ୍ୟ ତାହା ପ୍ରତିପାଦିତ ହୋଇଛି ।
IANS-CVoter ଗଭର୍ନାନ୍ସ ଇଣ୍ଡେକ୍ସ (ସୁଶାସନ ସୂଚକାଙ୍କ) ପକ୍ଷରୁ କରାଯାଇଥିବା ଏକ ସର୍ଭେରେ ସାମ୍ନାକୁ ଆସିଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରିପୋର୍ଟ କାର୍ଡ । ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭାରତର ଶ୍ରେଷ୍ଠ ପ୍ରଦର୍ଶନକାରୀ ମୁଖ୍ୟମନ୍ତ୍ରୀରେ ସି-ଭୋଟର ସର୍ଭେରେ ତୃତୀୟ ସ୍ଥାନ ହାସଲ କରିଛନ୍ତି ।