ଭଦ୍ରକ: ଜିଲ୍ଲାରେ 86 ତମ ପୋଲିସ ପ୍ରତିଷ୍ଠା ଦିବସ ପାଳିତ ହୋଇଛି। ଏହି ଅବସରରେ ଆଜି(ଗୁରୁବାର) ଭଦ୍ରକର ଚରମ୍ପା ସ୍ଥିତ ରିଜର୍ଭ ପୋଲିସ ପଡ଼ିଆରେ ଭଦ୍ରକ ଜିଲ୍ଲା ଆରକ୍ଷୀ ଅଧିକ୍ଷକ ଚରଣ ସିଂ ମିନା ଅଭିବାଦନ ଗ୍ରହଣ କରିଥିଲେ। ଏହାପରେ ଓଡିଶାର ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ବାର୍ତ୍ତା ଉପସ୍ଥାପନ କରାଯାଇଥିଲ।
ଏଥିସହ ରାଜ୍ୟରେ ପୋଲିସ ପକ୍ଷରୁ ଯେଉଁସବୁ ଜନହିତକର କାର୍ଯ୍ୟ ଜାରି ରହିଛି, ସେ ଦିଗରେ ଆଲୋକପାତ କରାଯାଇଥିଲା। ଏହି ଅବସରରେ ଜିଲ୍ଲାରେ ଯେଉଁସବୁ ପୋଲିସ ଅଧିକାରୀ ସେମାନଙ୍କ କାର୍ଯ୍ୟ ସମ୍ପାଦନ ଦିଗରେ ବିଶେଷ କୃତି ଅର୍ଜନ କରିଛନ୍ତି, ସେମାନଙ୍କୁ ପୁରସ୍କୃତ କରିବା ସହ କୋରୋନା ଯୋଦ୍ଧାଙ୍କୁ ମଧ୍ୟ ପୁରସ୍କୃତ କରାଯାଇଥିଲା।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ