ଭୁବନେଶ୍ବର: ରାଜ୍ୟ ବିଜେପିର ରାଜ୍ୟ କାର୍ଯ୍ୟକାରିଣୀ ବୈଠକ ଆରମ୍ଭ ହୋଇଛି । ବୈଠକରେ ରାଜ୍ୟ ସଭାପତି ସମୀର ମହାନ୍ତି, ବିଜେପି ରାଜ୍ୟ ସହ ପ୍ରଭାରୀ ବିଜୟ ପାଲ ସିଂ ତୋମାର, ବିଜେପିର ରାଷ୍ଟ୍ରୀୟ ଉପ ସଭାପତି ବୈଜନ୍ତ ପଣ୍ଡା, ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଉପସ୍ଥିତ ଅଛନ୍ତି । ମଙ୍ଗଳବାର ସନ୍ଧ୍ୟାରେ ବିଜେପି ରାଜ୍ୟ କାର୍ଯ୍ୟାଳୟରେ ଆହୁତ ରାଜ୍ୟପଦାଧିକାରୀ ବୈଠକରେ ବିଭିନ୍ନ ପ୍ରସ୍ତାବ ଆଗତ ହୋଇଥିଲା । ଆଜି ସେ ସମସ୍ତ ପ୍ରସ୍ତାବ ଉପରେ ମୋହର ବାଜିବ । ଆଜିର ବୈଠକରେ ୨୦୨୪ ପାଇଁ ଦଳ ଖସଡ଼ା ପ୍ରସ୍ତୁତ କରିବ।
ଆଗତ ହେବାକୁ ଥିବା ରାଜନୈତିକ ଚିଠା ପ୍ରସ୍ତାବ ଗୁଡିକ ହେଲା...
1. ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ କରିଥିବାରୁ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ପ୍ରସ୍ତାବ, ଅଗ୍ନିବୀର ଓ ଧାନର ସର୍ବ ନିମ୍ନ ସହାୟକ ମୂଲ୍ୟ ବୃଦ୍ଧି ନେଇ ମଧ୍ୟ ଧନ୍ୟବାଦ ପ୍ରସ୍ତାବ ।
2. ରାଜନୈତିକ ଚିଠା ପ୍ରସ୍ତାବ ଉପରେ ଆଲୋଚନା ହେବ।
ରାଜ୍ୟରେ ଅହେତୁକ ବିଜୁଳି ଦର ବୃଦ୍ଧି, ରାଜ୍ୟରେ ଲଘୁ ଖଣିଜ ପଦାର୍ଥର ବ୍ୟାପକ ଲୁଟ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ୱାସ୍ଥ୍ୟ ସେବା ନ ମିଳିବା ବିନା ଟେଂଡରରେ ଠିକା କାମ, ସେଥିରେ ଜିଲାପାଳ, ଜୁନିଅର ଇଞ୍ଜିନିଅର ଏବଂ ବିଜେଡି କର୍ମୀଙ୍କ ମଧୁ ଚନ୍ଦ୍ରିକା ,ମହାନଦୀ ଶୁଖିଲା ପଡ଼ିବା ପ୍ରସଙ୍ଗ ,କେନ୍ଦ୍ରୀୟ ଯୋଜନାର ହରିଲୁଟ ଓ ବେକାରୀ ସମସ୍ୟା ପ୍ରସଙ୍ଗରେ ଲଢେଇ କରିବ ବିଜେପି ।
ଇଟିଭି ଭାରତ, ଭୁବନେଶ୍ବର