ଭୁବନେଶ୍ବର: ବିଜେବି କଲେଜ ଛାତ୍ରୀ ରୁଚିକା ମୃତ୍ୟୁକୁ ନେଇ ଆଜି ବନ୍ଦ ଡାକରା ଦେଇଛି ନବନିର୍ମାଣ ଯୁବ ଛାତ୍ର ସଂଗଠନ । । ବନ୍ଦ ପାଳନ ସମୟରେ ଭୁବନେଶ୍ବରର ପୋଲିସ ସହ ଆନ୍ଦୋଳନକାରୀ ମୁହାଁମୁହିଁ ହୋଇଛନ୍ତି । ଆନ୍ଦୋଳନକାରୀଙ୍କୁ ପୋଲିସ ଉଠାଇ ନେଉଥିବା ଦେଖିବାକୁ ମିଳିଛି । ରୁଚିକା ମହାନ୍ତିଙ୍କ ମୃତ୍ୟୁ ଘଟଣାକୁ ୧୬ ଦିନ ବିତିଲାଣି ।
ରୁଚିକାଙ୍କୁ ନ୍ୟାୟ ପାଇଁ ଓଡିଶା ବନ୍ଦ
ମାତ୍ର ତାଙ୍କ ଆତ୍ମହତ୍ୟା ପଛରେ ଥିବା ୩ ସିନିୟରଙ୍କୁ ଏଯାଏ ଖୋଜି ପାଇଲାନି ପୋଲିସ୍ । ଏହା ପ୍ରତିବାଦରେ କରି ରୁଚିକାଙ୍କୁ ନ୍ୟାୟ ଦାବିରେ ନବନିର୍ମାଣ ଯୁବଛାତ୍ର ସଂଗଠନ ଆଜି ଓଡ଼ିଶା ବନ୍ଦ ଡାକରା ଦେଇଛି । ରାଜରାସ୍ତାକୁ ଓହ୍ଳାଇଛି ସଂଗଠନ । ବିରାଟ ବାଇକ ଶୋଭାଯାତ୍ରାରେ ବାହାରି ନାରାବାଜି ଦେବା ସହ ରୁଚିକାଙ୍କ ଆତ୍ମହତ୍ୟା ପାଇଁ ଦାୟୀ ଅଭିଯୁକ୍ତଙ୍କୁ ଗିରଫ ଦାବିରେ ଗର୍ଜିଛି ନବନିର୍ମାଣ ଯୁବଛାତ୍ର ସଂଗଠନ । ସକାଳ ୬ଟାରୁ ସନ୍ଧ୍ୟା ସଂଧ୍ୟା ୬ଟା ୧୨ ଘଣ୍ଟା ବନ୍ଦ ପାଳନ ଡାକରା ଦିଆଯାଇଛି । ଶାନ୍ତିପୂର୍ଣ୍ଣ ବନ୍ଦ ପାଳନ କରିଛି ସଂଗଠନ ।