ଭୁବନେଶ୍ବର: ପୁଣି ଗୃହରେ ନାଥୁରାମ ଗଡ଼ସେ ତାତି। କଂଗ୍ରେସ ବିଜେପି ମୁହାଁମୁହିଁ । ଗତକାଲି ବିରୋଧୀଦଳ ନେତାଙ୍କ ବକ୍ତବ୍ୟକୁ ଆଧାର କରି କଂଗ୍ରେସ ବିଧାୟକ ଦଳ ନେତା କହିଥିଲେ ଯେ, 'କଂଗ୍ରେସ ବନ୍ଦେ ମାତରମ' କି 'ଭାରତ ମାତା କି ଜୟ' କହିବାକୁ କେବେ କୁଣ୍ଠାବୋଧ କରିନାହିଁ । କିନ୍ତୁ କାହାକୁ ଏହା କହିବାକୁ ବାଧ୍ୟ କରାଯାଇ ପାରିବନାହିଁ । କିନ୍ତୁ ବିଜେପି ସଦସ୍ୟମାନେ ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡ଼ସେ ମୁର୍ଦ୍ଦାବାଦ କହିବେ ନାହିଁ । କାହିଁକି ନା ବିଜେପିର କିଛି ନେତା ନାଥୁରାମ ଗଡ଼ସେଙ୍କୁ ଦେଶପ୍ରେମୀ କହୁଛନ୍ତି । କିଛି ଲୋକ ଭଗବାନ କହି ମନ୍ଦିର କରୁଛନ୍ତି ବୋଲି ନରସିଂହ କହିଛନ୍ତି ।
ଭିଡିଓ ସୌଜନ୍ୟ: ବ୍ୟୁରୋ ଚିଫ୍, ଭୁବନେଶ୍ବର
ନରସିଂହଙ୍କ ଏହି ପ୍ରସଙ୍ଗକୁ ବିରୋଧ କରିଥିଲେ ବିଜେପି ସଦସ୍ୟ । ଜାଣିଶୁଣି ଏହି ପ୍ରସଙ୍ଗ ଉଠାଇ ଗୃହର ସମୟ ନଷ୍ଟ କରାଯାଉଛି ବୋଲି ବିଜେପି ସଦସ୍ୟ ଅଭିଯୋଗ କରିଛନ୍ତି । ବିଜେପି ରାଜି ଅଛି ଗଡ଼ସେ ମୁର୍ଦ୍ଦାବାଦ କହିବାକୁ ବୋଲି ନିଜ ଆସନରେ ବସି ବିଜେପିର କିଛି ବିଧାୟକ କହୁଥିଲେ ।