ଭୁବନେଶ୍ବର: ତିନି ଦିନର ମୁଲତବୀ ପରେ ଆଜି(ସୋମବାର) ବିଧାନସଭାର ବଜେଟ୍ ଅଧିବେଶନ ପୁଣି ଆରମ୍ଭ ହୋଇଥିଲା । ତେବେ ଗୃହ ଆରମ୍ଭ ହେବା ମାତ୍ରେ ବିରୋଧୀ, ଧାନ କିଣାକୁ ନେଇ ହୋହଲ୍ଲା କରିଥିଲେ । ଫଳରେ ଗୃହକୁ 11.30 ପର୍ଯ୍ୟନ୍ତ ମୁଲତବୀ ଘୋଷଣା କରିଛନ୍ତି ବାଚସ୍ପତି ।
ଗୃହରେ ଧାନକିଣା ତାତି, ଏକ ମିନିଟ୍ ବି ଚାଲିଲାନି ବିଧାନସଭା ପ୍ରଶ୍ନକାଳ
ଧାନ କିଣାକୁ ନେଇ ବିଧାନସଭାରେ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ । ଏବେ ବି ବାହାରେ ପଡି ରହିଛି ଧାନ । ବିକ୍ରି କରିପାରୁ ନାହାଁନ୍ତି ଚାଷୀ । ବର୍ଷା ହେବା ନେଇ ଆକଳନ କରିଛି ପାଣିପାଗ କେନ୍ଦ୍ର । ଚାଷୀ ମଣ୍ଡି ବାହାରେ ବସିଛି । ମୁଣ୍ଡରେ ତାର ଚଡକ ପଡିଛି ବୋଲି ଅଭିଯୋଗ କରି ବିରୋଧୀ କଂଗ୍ରେସ ସଭ୍ୟ ପ୍ରଥମେ ହୋହଲ୍ଲା କରିଥିଲେ । କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ଏହି ପ୍ରସଙ୍ଗ ଉଠାଇ ଗୃହ ମଧ୍ୟ ଭାଗକୁ ଚାଲି ଆସିଥିଲେ ।