ଭୁବନେଶ୍ବର: ରାଜ୍ଯରେ ୧୦୦ରୁ ଉର୍ଦ୍ଧ୍ବ ଆଇନଜୀବୀ କୋଭିଡରେ ପ୍ରାଣ ହରାଇଛନ୍ତି । କୋର୍ଟରେ କାର୍ଯ୍ୟରତ ରହି କୋଭିଡରେ ଆକ୍ରାନ୍ତ ହୋଇଛନ୍ତି । ପରବର୍ତ୍ତୀ ପର୍ଯ୍ୟାୟରେ ନିଜର ଜୀବନ ହରାଇବାକୁ ପଡିଛି ଏଭଳି ମହାମାରୀ ପାଇଁ । ଯାହାକୁ ନେଇ ଓକିଲର ପରିବାର ନାନାଦି ଆର୍ଥିକ ସମସ୍ୟାରେ ସାମ୍ନା କରୁଛନ୍ତି । ଯାହାକୁ ନେଇ ଓଡ଼ିଶା ଷ୍ଟେଟବାର କାଉନସିଲ ଏବଂ ରାଜ୍ୟ ସରକାରଙ୍କ ପାଖରେ କୋଭିଡ ସମୟରେ ଓଡିଶାର ଯେଉଁ ଆଇନଜୀବୀ ମାନେ ମୃତ୍ୟୁ ବରଣ କରିଛନ୍ତି ସେମାନଙ୍କର ପରିବାରକୁ 10 ଲକ୍ଷ ଟଙ୍କାର ସହାୟତା ରାଶି ଦେବା ପାଇଁ ଦାବି ଉପସ୍ଥାପନ କରିଛି ।
ଆଇନଜୀବୀଙ୍କ କୋଭିଡ ମୃତ୍ଯ ପିଛା ୧୦ ଲକ୍ଷ, ଦାବି କଲା ଅଲ ଓଡିଶା ଲୟର୍ସ ଆସୋସିଏସନ ଓଡିଶା ଷ୍ଟେଟ ଲୟର୍ସ ଆସୋସିଏସନର କହିବାନୁସାରେ, ରାଜ୍ୟ ସରକାର Odisha Advocates Welfare Fund (Amendment Act)ରେ Welfare Trust Committeeକୁ ସ୍ବତନ୍ତ୍ର ଅଧିକାର ବଳରେ Welfare ରାଶିକୁ ବଢ଼ାଇବା ପାଇଁ ସମ୍ପୂର୍ଣ୍ଣ କ୍ଷମତା ପ୍ରଦାନ କରିଛନ୍ତି । ଯଦି Welfare trust ରେ ଅର୍ଥ ରାଶି ମହଜୁଦ ଥାଏ ତେବେ Trust Committee ରାଜ୍ୟ ସରକାରଙ୍କୁ ସହାୟତା ରାଶି ବଢ଼ାଇବା ପାଇଁ ସୁପାରିଶ କରିପାରିବେ । ତେଣୁ ନିଖିଳ ଓଡ଼ିଶା ଆଇନଜୀବୀ ସଂଘ ଦାବି କରିଛି ଏଥି ସହ ଆଡିସିନାଲ ଷ୍ଟାମ୍ପ ପାଇଁ ପ୍ରତ୍ୟେକ ବକଲତନାମାରେ କର୍ପସ ଫଣ୍ଡ ପାଇନ ୧୦୦ ଟଙ୍କାର stamp feeକୁ ପ୍ରତ୍ୟାହାର କରିବା ପାଇଁ ଦାବି ଉପସ୍ଥାପନ କରିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
