କେଏଫଏଫରେ ସ୍ପେସିଆଲ ସ୍କ୍ରିନିଂ ହେବ ଓଡ଼ିଆ ଫିଲ୍ମ ପାଟଣାଗଡ଼

କୋଲକାତା ଫିଲ୍ମ ଫେଷ୍ଟିଭାଲରେ ସ୍କ୍ରିନିଂ ହେବ ଓଡ଼ିଆ ଫିଲ୍ମ ପାଟଣାଗଡ଼ । ବହୁଚର୍ଚ୍ଚିତ ଫିଲ୍ମ ପାଟଣାଗଡ଼ର ଟ୍ରେଲର ୟୁଟ୍ୟୁବରେ ରିଲିଜ ହେବା ପରେ ଦର୍ଶକଙ୍କ ଭିତରେ ଫିଲ୍ମ କୁ ନେଇ ଉସାହ ଦେଖିବାକୁ ମିଳିଛି ।

ଭୁବନେଶ୍ବର: କୋଲକାତା ଫିଲ୍ମ ଫେଷ୍ଟିଭାଲରେ ସ୍କ୍ରିନିଂ ହେବ ଓଡ଼ିଆ ଫିଲ୍ମ ପାଟଣାଗଡ଼ । ଆସନ୍ତା 8 ନଭେମ୍ବରରୁ 15 ତାରିଖ କୋଲକାତାରେ ଅନୁଷ୍ଠିତ ହେବ କୋଲକାତା ଫିଲ୍ମ ଫେଷ୍ଟିଭାଲ 2019 । ଯେଉଁଠି ଓଡ଼ିଶାର ଫିଲ୍ମ ପାଟଣାଗଡ଼ର ସ୍ପେସିଆଲ ସ୍କ୍ରିନିଂ ହେବା ପାଇଁ ମନୋନୀତ ହୋଇଛି ।

ବହୁଚର୍ଚ୍ଚିତ ଫିଲ୍ମ ପାଟଣାଗଡ଼ର ଟ୍ରେଲର ୟୁଟ୍ୟୁବରେ ରିଲିଜ ହେବା ପରେ ଦର୍ଶକଙ୍କ ଭିତରେ ଫିଲ୍ମ କୁ ନେଇ ଉସାହ ଦେଖିବାକୁ ମିଳିଛି । ଓଡିଶାର ବଲାଙ୍ଗୀର ଜିଲ୍ଲା ଅନ୍ତର୍ଗତ ପାଟଣାଗଡ଼ ଅଞ୍ଚଳରେ ହୋଇଥିବା ପାର୍ସଲ ବୋମା ଘଟଣା ଉପରେ ଆଧାରିତ ଏହି ଫିଲ୍ମର ନାଁ ଟି ହୋଇଛି ପାଟଣାଗଡ଼ । ଫିଲ୍ମଟି ଦୁଇଟି ଭାଷା ଯଥା ତେଲେଗୁ ଓ ଓଡ଼ିଆରେ ରିଲିଜ ହେବ । ଫିଲ୍ମରେ ନଜର ଆସିବେ ଅଭିନେତା ମନୋଜ ମିଶ୍ର, ବଲିଉଡ ଅଭିନେତା ଅତୁଲ କୂଲକର୍ଣ୍ଣି ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ