ଭୁବନେଶ୍ବର:ସଜେଇ ହେଲେ ଓଡ଼ିଆ । ରଙ୍ଗୀନ ହୋଇଛି ବାହାରିନ । ବାହାରିନରେ ଓଡ଼ିଆ ସମାଜ ପକ୍ଷରୁ ରଙ୍ଗର ପର୍ବ ହୋଲି ଧୁମଧାମରେ ପାଳନ ହୋଇଛି । ବାହାରିନ ଓଡିଆ ସମାଜର ପ୍ରତିଷ୍ଠାତା ଅଧ୍ୟକ୍ଷ ଡକ୍ଟର ଅରୁଣ କୁମାର ପ୍ରହରାଜଙ୍କ ବାସଭବନରେ ପବିତ୍ର ଦୋଳ ପୂର୍ଣ୍ଣିମା ଏବଂ ହୋଲି ବେଶ ଜାକଜମକରେ ପାଳନ ହୋଇଛି । ଯାହା ବିଦେଶୀ ମାଟିରେ ଓଡିଆ ସଂସ୍କୃତିକୁ ଅତି ସୁନ୍ଦର ଭାବରେ ପ୍ରତିଫଳିତ କରିଛି ।
HOLI 2022: ରଙ୍ଗିନ ହେଲା ବାହାରିନ, ଓଡ଼ିଆ ସମାଜ ପାଳିଲା ହୋଲି
ବିଦେଶରେ ବି ଦେଶୀ ପର୍ବ ହୋଲିକୁ ସୁନ୍ଦର ଭାବେ ପାଳନ କରିଛନ୍ତି ବାହାରିନ ଓଡ଼ିଆ ସମାଜର ସଦସ୍ୟ । ଏହି କାର୍ଯ୍ୟକ୍ରମରେ ଓଡିଆ ଲୋକ ନୃତ୍ୟ, ରଙ୍ଗ ଖେଳ ଏବଂ ସୁସ୍ବାଦୁ ଓଡିଆ ବ୍ୟଞ୍ଜନର ଉପଭୋଗ କରିଛନ୍ତି ଓଡ଼ିଆ ସମାଜର ସଦସ୍ୟ । ଛୋଟ ଛୋଟ ଶିଶୁ ମାନେ ଏହି ଉତ୍ସବ ଓ ଭାରତୀୟ ପରମ୍ପରା ଓ ସଂସ୍କୃତି ଅଧିକ ଉପଭୋଗ କରିଛନ୍ତି । ସମସ୍ତ ସଦସ୍ୟ ମହାପ୍ରଭୁ ଜଗନ୍ନାଥଙ୍କୁ ସମଗ୍ର ବିଶ୍ବରେ ଶାନ୍ତି, ପ୍ରେମ ଏବଂ ସୌହାର୍ଦ୍ଦ୍ୟ ପାଇଁ ପ୍ରାର୍ଥନା କରିଛନ୍ତି । ପରସ୍ପରକୁ ରଙ୍ଗ ଏବଂ ଶୁଭେଚ୍ଛା ଜଣାଇଛନ୍ତି ।