ଓଡିଆ ପୁଅ ୟଶଙ୍କୁ ମିଳିଲା ରାଷ୍ଟ୍ରୀୟ ବାଲ ପୁରସ୍କାର

ଭୁବନେଶ୍ବରର ୟଶ ମିଶ୍ରଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରୀୟ ବାଲ ପୁରସ୍କାର ପ୍ରଦାନ କରିଛନ୍ତି। ୟଶ ଆମେରିକାର ଗବେଷଣା ସଂସ୍ଥା ନାସାରେ ଭାରତର ପ୍ରତିନିଧିତ୍ବ କରିଥିଲେ । ଅଧିକ ପଢନ୍ତୁ...

ଭୁବନେଶ୍ବର: ଦିଲ୍ଲୀ ଦରବାରରେ ଓଡିଶାକୁ ଗର୍ବିତ କରିଛନ୍ତି ଓଡିଆ ପୁଅ ୟଶ ମିଶ୍ର । ଭୁବନେଶ୍ବରର ୟଶ ମିଶ୍ରଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ 'ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର' ପ୍ରଦାନ କରିଛନ୍ତି। ଅଧ୍ୟୟନ କ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ ପାଇଁ ୟଶଙ୍କୁ ମିଳିଛି ଏହି ସମ୍ମାନ ।

ୟଶ ଆମେରିକାର ଗବେଶଣା ସଂସ୍ଥା ନାସାରେ ଭାରତର ପ୍ରତିନିଧିତ୍ବ କରିଥିଲେ । ସେଠାରେ ତାଙ୍କୁ ମ୍ୟାଥମେଟିକ୍ସ ଜିନିୟସ ଆଓ୍ବାର୍ଡ ସମ୍ମାନରେ ସମ୍ମାନିତ କରାଯାଇଥିଲା । ଏହାସହ ୟଶ ସିଙ୍ଗାପୁର ଏବଂ ଇଂଲଣ୍ଡରେ ମଧ୍ୟ ମ୍ୟାଥମେଟିକ୍ସ ଅଲମ୍ପ୍ୟାଡରେ ଭାରତର ପ୍ରତିନିଧିତ୍ବ କରି ସ୍ବର୍ଣ୍ଣ ପଦକ ଜିତିଛନ୍ତି । ୟଶଙ୍କ ଏହି ସଫଳତାକୁ ନେଇ ସବୁଆଡୁ ପ୍ରଶଂସାର ସୁଅ ଛୁଟୁଛି । ରାଷ୍ଟ୍ରପତିଙ୍କ ଠାରୁ ପୁରସ୍କାର ଗ୍ରହଣ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୟଶଙ୍କୁ ଶୁଭେଚ୍ଛା ଜଣାଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ