କିନ୍ନର ମାନଙ୍କ କାହାଣୀକୁ ନେଇ ରିଲିଜ ହେଲା ଆଲବମ 'ଏକି ଜୀବନ'

ସମାଜରେ କିଭଳି ବଞ୍ଚୁଛନ୍ତି କିନ୍ନର । ଏହାକୁ ଗୀତ ମାଧ୍ୟମରେ ଜଣାଯାଇଛି । ଯାହାକୁ ନେଇ ଏକ ଆଲବମ ପ୍ରସ୍ତୁତ କରାଯାଇଛି ଯାହାର ନାଁ ରହିଛି 'ଏକି ଜୀବନ'।

ଭୁବନେଶ୍ବର: ସିଲକ୍ ମ୍ୟୁଜିକ ପ୍ରସ୍ତୁତ ସଙ୍ଗୀତ ଆଲବମ "ଏକି ଜୀବନ" ରିଲିଜ ହୋଇଯାଇଛି। ସ୍ଥାନୀୟ ଜୟଦେବ ଭବନରେ ଆୟୋଜିତ ଏହି ଉତ୍ସବରେ ବିଶିଷ୍ଟ ବ୍ୟକ୍ତିମାନଙ୍କ ଦ୍ବାରା ଏହି ସଙ୍ଗୀତ ସିଡ଼ି ଉନ୍ମୋଚିତ ହୋଇଛି।

ତେବେ ଏହି ଆଲବମଟି ବିଶେଷ କରି ତୃତୀୟଲିଙ୍ଗୀଙ୍କ କାହାଣୀକୁ ନେଇ ହୋଇଛି । ଯୁଗ ବଦଳିବା ସହ ଲୋକଙ୍କ ପସନ୍ଦ ବି ବଦଳୁଛି। ଏହାକୁ ନଜରରେ ରଖି ଏହି ଆଲବମଟି କରାଯାଇଛି । ପ୍ରଥମଥର କରି ଓଡ଼ିଶାରେ କିନ୍ନର ମାନଙ୍କ ଜୀବନୀକୁ ନେଇ ଏହି ଆଲବମ ତିଆରି କରାଯାଇଛି। ଯାହାର ନାଁ ରହିଛି "ଏକି ଜୀବନ"।

ଏହି ଗୀତରେ କଣ୍ଠଦାନ କରିଛନ୍ତି ହ୍ୟୁମାନ ସାଗର । ଠିକ ସେହିଭଳି ସଙ୍ଗୀତ ନିର୍ଦ୍ଦେଶନା ଦେଛନ୍ତି ମନୋରଞ୍ଜନ ପାଢ଼ୀ ଓ ଗୀତିକାର ଅରୁଣ ମନ୍ତ୍ରୀ । ଗୁରୁବାର ଏହାର ଅଡିଓ ରିଲିଜ ହୋଇଛି।

ଭୁବନେଶ୍ବରରୁ ଶତରୂପା ସାମନ୍ତରାୟ ଓ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ