ଭୁବନେଶ୍ବର: ମିଛ ବିଜ୍ଞାପନରେ ସବ୍ୟସାଚୀଙ୍କ ଫଟୋ । ଲୋକଙ୍କୁ ଆକର୍ଷଣ କରିବା ପାଇଁ ଅଭିନେତା ସବ୍ୟସାଚୀ ମିଶ୍ରଙ୍କ ଫୋଟୋ ବ୍ୟବହାର କରି ମିଛ ଚାକିରୀ ଦେଉଥିବା ସଂସ୍ଥା ଫେକ୍ ବିଜ୍ଞାପନରେ ଭୂଆଁ ବୁଲାଉଛନ୍ତି ।
ଖାଲି ସେତିକି ନୁହେଁ ସରକାରୀ ଲୋଗୋ ଲଗାଇବା ସହ ସବ୍ୟଙ୍କ ଫଟୋ ଲଗାଇ ସହଜ ଉପାୟରେ ପଇସା ରୋଜଗାରର ମଧ୍ୟ ବିଜ୍ଞାପନ ଦେଖିବାକୁ ମିଳିଛି । ତେବେ ଏହାକୁ ନେଇ ଉଦ୍ବେଗ ପ୍ରକାଶ କରିଛନ୍ତି ସବ୍ୟସାଚୀ । ଆଉ ତାଙ୍କ ନାଁ ବ୍ୟବହାର କରି ଅପପ୍ରଚାର କରାଯାଉଛି ବୋଲି କହିଛନ୍ତି । ତେଣୁ ତାଙ୍କ ନାଁ କୁ ଚିତ୍ରିତ କରି ଦିଆଯାଉଥିବା ବିଜ୍ଞାପନକୁ ବିଶ୍ବାସ କରନ୍ତୁ ନାହିଁ ବୋଲି ସେ ଅନୁରୋଧ କରିଛନ୍ତି ।