ଭୁବନେଶ୍ବର: ବହୁଚର୍ଚ୍ଚିତ ନର୍ସ ନିହାରିକା ହତ୍ୟା ମାମଲାରେ ପୂର୍ଣ୍ଣଚ୍ଛେଦ ପଡିଯାଇଛି ସତ । ହେଲେ ଏକମାତ୍ର ଝିଅକୁ ହରାଇଥିବା ବାପା ମା'ଙ୍କ ମନ ଥୟ ଧରୁନାହିଁ । ଏହି ହତ୍ୟାରେ ସାମିଲ ଥିବା ଅନ୍ୟ ସହଯୋଗୀ ମାନଙ୍କୁ ଗିରଫ କରିବା ପାଇଁ ନିହାରିକାଙ୍କ ମା' ଓ ବାପା ରାଜ୍ୟ ମାନବ ଅଧିକାର କମିଶନଙ୍କ ପାଖରେ ଅଭିଯୋଗ କରିଛନ୍ତି ।
ନିହାରିକାଙ୍କ ବାପା ଓ ମା' ମାମଲାର ତଦନ୍ତ କ୍ରାଇମ ବ୍ରାଞ୍ଚକୁ ହସ୍ତାନ୍ତର କରିବା ସହ ଓ ୧୦ ଲକ୍ଷ ଟଙ୍କାର କ୍ଷତିପୂରଣ ଦାବି କରିଛନ୍ତି । ଏହାଛଡା ନିହାରିକାର ପ୍ରେମିକ ରାଜା ସହ ଅନ୍ୟମାନଙ୍କ ହାତ ରହିଥିବା ନେଇ ସନ୍ଦେହ କରିଛନ୍ତି ନିହାରିକାର ବାପା ମାଆ। ସେମାନଙ୍କୁ ଗିରଫ କରିବା ସହ କଠୋର ଦଣ୍ଡ ଦେବାକୁ ଗଣମାଧ୍ୟମ ଆଗରେ କହିଛନ୍ତି ।
ନର୍ସ ନିହାରିକା ହତ୍ୟା ମାମଲା, ମାନବଧିକାର କମିଶନଙ୍କ ପାଖରେ ପରିବାର