ରାଜଧାନୀରେ ନୂଆଁଖାଇ ଭେଟଘାଟ, ଦୁଲୁକିଲା ମଞ୍ଚ

ସାରା ରାଜ୍ୟର କୋଣ ଅନୁକୋଣରେ ଜମୁଛି ନୂଆଁଖାଇ ଭେଟଘାଟ ଆସର । ରବିବାର ଭୁବନେଶ୍ବରରେ ଆୟୋଜିତ ହୋଇଥିଲା ଭେଟଘାଟ। ଏଥିରେ ପାରମ୍ପକରିକ ପୋଷାକ ସହ ସାମିଲ ହୋଇଥିଲେ ବହୁ ପଶ୍ଚିମ ଓଡିଶାବାସୀ ।

ଭୁବନେଶ୍ବର : ପଶ୍ଚିମ ଓଡିଶାର ଗଣପର୍ବ ନୂଆଖାଇ ସାରି ଯାଇଛି ସତ ହେଲେ ଏବେ ବି ଦେଶ ତଥା ବିଦେଶ ସହ ସାରା ରାଜ୍ୟର କୋଣ ଅନୁକୋଣରେ ନୂଆଁଖାଇ ଭେଟଘାଟ ପର୍ବର ଆସର ଦେଖିବାକୁ ମିଳୁଛି।

ଠିକ ସେହିଭଳି ରବିବାର ରାଜଧାନୀରେ ବେଶ ଜାକ ଜମକରେ ଅନୁଷ୍ଠିତ ହୋଇଥିଲା ନୂଆଖାଇ ଭେଟଘାଟ। ଭୁବନେଶ୍ବରରେ ରହୁଥିବା ଅନେକ ପଶ୍ଚିମ ଓଡ଼ିଶାର ଲୋକେ ସାମିଲ ହେବା ସହ ବିଶିଷ୍ଟ ଓଡ଼ିଶୀ ନୃତ୍ୟ ଗୁରୁ ଶାଶ୍ବତ ଜୋଶୀ,କମେଡିଆନ ଯୋଗେଶ ଜୋଜୋ ,ଉମାକାନ୍ତ ବାରିକ, ପ୍ରମୁଖ ଯୋଗ ଦେଇଥିଲେ ।

ଆଜିକୁ ଦୀର୍ଘ ବର୍ଷ ହେଲା ପଶ୍ଚିମ ଓଡିଶା ଯୁବା ମଞ୍ଚ ନାମକ ଅନୁଷ୍ଠାନ ଏହି ନୂଆଁଖାଇ ଭେଟଘାଟ କରିଆସୁଛି। ସମ୍ବଲପୁରୀ ପୋଷକରେ ନଜର ଆସିଥିଲେ ପିଲା ଠାରୁ ବୁଢା ।

ଭୁବନେଶ୍ବରରୁ ଶତରୂପା ସାମନ୍ତରାୟ,ଇଟିଭି ଭାରତ