ଭୁବନେଶ୍ବର: ଓଡିଶାରେ ଏନଟିପିସି ସ୍ଥାପନ କରିବ 50ଟି କ୍ଷୁଦ୍ର ସାନିଟାରୀ ପ୍ୟାଡ ପ୍ରସ୍ତୁତି ୟୁନିଟ। ଏନଟିପିସି, ସ୍ତ୍ରୀ ସ୍ବାଭିମାନ ଉଦ୍ୟୋଗକୁ ସହାୟତା କ୍ରମରେ ଓଡିଶାର 18ଟି ଜିଲ୍ଲାରେ 50ଟି କ୍ଷୁଦ୍ର ସାନିଟାରୀ ପ୍ୟାଡ୍ ତିଆରି ୟୁନିଟ୍ର ସ୍ଥାପନା ନିମନ୍ତେ ଆର୍ଥିକ ସହାୟତା ପ୍ରଦାନ ପାଇଁ କମନ ସର୍ଭିସ ସେଣ୍ଟର(ସିଏସ୍ ସି) ଇ-ଗଭର୍ନାନ୍ସ୍ ଇଣ୍ଡିଆ ସହ ଏକ ଚୁକ୍ତିନାମା ସ୍ବାକ୍ଷର କରିଛି ।
ଏନଟିପିସି ସାନିଟାରୀ ପ୍ୟାଡ ଉତ୍ପାଦନ ୟୁନିଟର ପ୍ରତିଷ୍ଠା ନିମନ୍ତେ 147ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କରିବ । ପ୍ରତ୍ୟେକ ସାନିଟାରୀ ପ୍ୟାଡ୍ ଉତ୍ପାଦନ ୟୁନିଟ୍ ଦିନକୁ 1200ରୁ 2000 ପ୍ୟାଡ୍ ଉତ୍ପାଦନ କରିବ । ସିଏସ୍ସିକୁ 45,000ରୁ 50,000 ପ୍ୟାଡ୍ ନିମନ୍ତେ କଞ୍ଚାମାଲ୍ ଯୋଗାଇ ଦିଆଯାଉଅଛି । 8ଟି ପ୍ୟାଡ୍ ଥିବା ଗୋଟିଏ ପ୍ୟାକ୍ର ଦାମ୍ 40ଟଙ୍କା ରହିବ ।