ଭୁବନେଶ୍ବର: ପେଟ୍ରୋଲ,ଡିଜେଲ,ରନ୍ଧନ ଗ୍ୟାସ ଆଦିର ଅହେତୁକ ମୂଲ୍ୟ ବୃଦ୍ଧି ପ୍ରତିବାଦରେ ଛାତ୍ର କଂଗ୍ରେସର ବିକ୍ଷୋଭ ଓ ପଦଯାତ୍ରା। ଭୁବନେଶ୍ବର ବିଜୁ ପଟ୍ଟନାୟକ ବିମାନବନ୍ଦରରୁ ବାହାରି NSUIର ଜାତୀୟ ସମ୍ପାଦିକା ଅନୁଲେଖା ବୁଶାଙ୍କ ନେତୃତ୍ବରେ ଶତାଧିକ ଛାତ୍ର କଂଗ୍ରେସର କର୍ମୀଙ୍କ ସମେତ ରାଜ୍ୟ ଛାତ୍ର କଂଗ୍ରେସ ସଭାପତି ୟସିର ନୱାଜ ଏହି ପ୍ରତିବାଦ ପଦଯାତ୍ରାରେ ସାମିଲ ହୋଇ କ୍ୟାପିଟାଲ ହସ୍ପିଟାଲ ପର୍ଯ୍ୟନ୍ତ ଆସିଥିଲେ ।
ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ପ୍ରତିବାଦରେ ଛାତ୍ର କଂଗ୍ରେସର ପ୍ରତିବାଦ
ବିମାନ ବନ୍ଦରରୁ କ୍ୟାପିଟାଲ ହସ୍ପିଟାଲ ପର୍ଯ୍ୟନ୍ତ ଏକ ପଟୁଆରରେ ବାହାରି କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ ଦଳୀୟ କର୍ମକର୍ତ୍ତା । କିଛି କର୍ମୀ କାନ୍ଧରେ ଗ୍ୟାସ ସିଲିଣ୍ଡର ବୋହି ଅଭିନବ ପ୍ରଦର୍ଶନ କରିଥିଲେ। ଦରଦାମ ବୃଦ୍ଧି ପ୍ରତିବାଦରେ ଏହି ପଦଯାତ୍ରା ସାଧାରଣ ଲୋକଙ୍କ ଉଦ୍ଦେଶ୍ୟରେ ବୋଲି ସ୍ଲୋଗାନ ଦେଇଥିଲା ଛାତ୍ର କଂଗ୍ରେସ ।