ଭୁବନେଶ୍ବର: ଭୁବନେଶ୍ବର ଲିଙ୍ଗରାଜ ମନ୍ଦିରରେ ଏନଏସଜି ଟିମର ସୁରକ୍ଷା ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି । ଏନେଇ ଏନଏସଜିର ୪ ଜଣିଆ ଟିମ ମନ୍ଦିରରେ ପହଞ୍ଚି ସୂରକ୍ଷା ବ୍ୟବସ୍ଥାର ଅନୁଧ୍ୟାନ କରୁଛନ୍ତି । ମନ୍ଦିରର ସୂରକ୍ଷା ବ୍ୟବସ୍ଥା କିପରି ରହିଛି ତାର ଅନୁଧ୍ୟାନ ଆରମ୍ଭ ହୋଇଛି । ତେବେ ଏହି ଏନଏସଜି ଟିମକୁ ଆବଶ୍ୟକ ସହଯୋଗ ଯୋଗାଉଛି କମିଶନରେଟ ପୋଲିସ ।
ଲିଙ୍ଗରାଜ ମନ୍ଦିରରେ NSG ଟିମ, ସୂରକ୍ଷା ବ୍ୟବସ୍ଥା କରୁଛନ୍ତି ଯାଞ୍ଚ
ବିଭିନ୍ନ ପ୍ରସିଦ୍ଧ ଔତିହ୍ୟ ସୁରକ୍ଷା ବ୍ୟବସ୍ଥା କିପରି ରହିଛି ତାହାର ଅନୁଧ୍ୟାନ ଆରମ୍ଭ କରିଛି ଏନଏସଜି । ଲିଙ୍ଗରାଜ ମନ୍ଦିରରର ସୂରକ୍ଷା ବ୍ୟବସ୍ଥା ଅନୁଧ୍ୟାନ ପରେ ଉକ୍ତ ଟିମ ପୁରୀ ଯାଇ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା ମଧ୍ୟ ଯାଞ୍ଚ କରିବାର କାର୍ଯ୍ୟକ୍ରମ ରହିଛି । ଆସନ୍ତା 18 ରେ ଏନଏସଜିର ଏହି ଟିମ ପୁରୀ ଗସ୍ତ କରିବାର କାର୍ଯ୍ୟକ୍ରମ ରହିଛି ।