ଭୁବନେଶ୍ବର: ଜଳକର ଆଦାୟ କରିବେ ମିଶନ ଶକ୍ତି ମହିଳା । ଘର ଘର ବୁଲି ଜଳର ଗୁଣବତ୍ତା ପରୀକ୍ଷା କରିବା ସହ ଜଳକର ଆଦାୟ କରିବେ ଜଳସାଥୀ । ଏନେଇ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୁବନେଶ୍ବରର ରେଲୱେ ଅଡିଟୋରିଅମରେ ଜଳସାଥୀ କାର୍ଯ୍ୟକ୍ରମ ଉଦଘାଟନ କରିଛନ୍ତି । ୱାଟକୋ ଦ୍ବାରା ଏହି ଯୋଜନାକୁ ହାତ ନିଆଯାଇଛି । ଏହି ଅବସରରେ ମୁଖ୍ୟମନ୍ତ୍ରୀ 593 ଟଙ୍କାର ଜଳକର ପୈଠ କରିଛନ୍ତି ।
ଜଳକର ଆଦାୟ କରିବେ ଜଳସାଥୀ
ପ୍ରଥମ ପର୍ଯ୍ୟାୟରେ ଭୁବନେଶ୍ବରର 8ଟି ୱାର୍ଡରେ ଏକ ପାଇଲଟ ପ୍ରୋଜେକ୍ଟ ଆରମ୍ଭ ହୋଇଥିବାବେଳେ ଏହି ୱାର୍ଡରେ 60 ଜଣ ଜଳସାଥୀମାନେ କାମ କରିବେ । ପରେ ସାରା ରାଜ୍ୟରେ ଏହା କାର୍ଯ୍ୟକାରୀ କରାଯିବ । ଏଥିପାଇଁ ରାଜ୍ୟରେ 5ହଜାର ଜଳସାଥୀ ଚୟନ କରାଯିବା । ଜଳସାଥୀ କାର୍ଯ୍ୟକ୍ରମ ମହିଳା ସଶକ୍ତିକରଣର ଏକ ଅଭିନବ ଉଦାହରଣ । ପ୍ରଥମ କରି ଗୃହ ଓ ନଗର ଉନ୍ନୟନ ବିଭାଗର ମିଶନ ଶକ୍ତି ମହିଳାଙ୍କୁ ତାଲିମ ପ୍ରଦାନ କରିବା ସହ ବୈଷୟିକ ଓ ପରିଚାଳନା ଜ୍ଞାନ କୌଶଳ ପ୍ରଦାନ କରାଯିବ ।