ଭୁବନେଶ୍ବର: ଆଧୁନିକ ସମୟରେ ଗୁରୁ ପରମ୍ପରା ଅନୁଯାୟୀ ଅଧ୍ୟୟନ କରାଇବା ପାଇଁ ଆଧ୍ୟାତ୍ମିକ ପାଠାଗାରର ଆବଶ୍ୟକତା ରହିଛି । ଯାହାକୁ ପୂରଣ କରିବା ପାଇଁ ସ୍ଥାନୀୟ ବାଣୀକ୍ଷେତ୍ର କିସ୍ରେ ଗୁଣ୍ଡିଚା ମନ୍ଦିରର ଭିତ୍ତି ପ୍ରସ୍ତର ସ୍ଥାପନ ଓ ସର୍ବସାଧାରଣ ଆଧ୍ୟାତ୍ମିକ ଗ୍ରନ୍ଥାଗାର ‘କିଆରା’ର ଶୁଭ ଉଦ୍ଘାଟନ କରାଯାଇଛି । ଏହି ଅବସରରେ ଜଗଦ୍ଗୁରୁ ଶଙ୍କରାଚାର୍ଯ୍ୟ ଉପସ୍ଥିତ ରହି ଲୋକଙ୍କୁ ବୌଦ୍ଧିକ ବିକାଶ ପାଇଁ ମାର୍ଗ ଦର୍ଶନ କରାଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ରବିବାର ଆୟୋଜିତ ଏହି କାର୍ଯ୍ୟକ୍ରମରେ ଜଗଦ୍ଗୁରୁ ଶଙ୍କରାଚାର୍ଯ୍ୟ ଆଧୁନିକତା ଭିତରେ ବୌଦ୍ଧିକ ବିକାଶ କିପରି ଅବହେଳିତ ତାହା ଉପରେ ଆଲୋକପାତ କରିଥିଲେ। ତାଙ୍କ କହିବା ଅନୁଯାୟୀ ବର୍ତ୍ତମାନ ସମୟରେ ମଣିଷ ଏକ ମେସିନ ପରି ହୋଇଗଲାଣି । ଯାହାର ଉଦ୍ଦେଶ୍ୟ କେବଳ ଅର୍ଥ ଉପାର୍ଜନ କରିବା, ପେଟ ଭରିବା ଓ ସଂସାର ବଢାଇବା । ଫଳରେ ଆଧ୍ୟାତ୍ମିକ ଗ୍ରନ୍ଥ ବେଦ ବେଦାନ୍ତ ଆଦି ଥିବା ସତ୍ତ୍ବେ ବୌଦ୍ଧିକ ଅଧୋପତନ ହେବାରେ ଲାଗିଛି ।