ବିକାଶ ନୁହେଁ ବିନାଶ କରୁଛନ୍ତି ରାଜ୍ୟ ସରକାର

ପରୀ ହତ୍ୟାକାଣ୍ଡ ନେଇ ଏସଆଇଟି ତଦନ୍ତ ବିଷୟରେ ମୁହଁ ଖୋଲିଲେ ପିସିସି ସଭାପତି ନିରଞ୍ଜନ ପଟ୍ଟନାୟକ । କଂଗ୍ରେସ ନ୍ୟାୟପାଳିକ ଉପରେ ବିଶ୍ୱାସ କରେ, ବିଜେପିର ନ୍ୟାୟ ପାଳିକା ଉପରେ ବିଶ୍ୱାସ ନାହିଁ । ଅଧିକ ପଢନ୍ତୁ...

ଭୁବନେଶ୍ବର: ପରୀ ହତ୍ୟାକାଣ୍ଡ ନେଇ ଏସଆଇଟି ତଦନ୍ତ ବିଷୟରେ ମୁହଁ ଖୋଲିଲେ ପିସିସି ସଭାପତି ନିରଞ୍ଜନ ପଟ୍ଟନାୟକ । କଂଗ୍ରେସ ନ୍ୟାୟପାଳିକ ଉପରେ ବିଶ୍ୱାସ କରେ, ବିଜେପିର ନ୍ୟାୟପାଳିକା ଉପରେ ବିଶ୍ୱାସ ନାହିଁ । ରାଜ୍ୟ ସରକାର ୨୦ ବର୍ଷ ହେବ ରାଜ୍ୟର ବିକାଶ କରିନାହାଁନ୍ତି ବିନାଶ କରିଛନ୍ତି । ପିପିଲିରୁ ମାହାଙ୍ଗା, ରାୟଗଡାରୁ ନୟାଗଡ଼ ପର୍ଯ୍ୟନ୍ତ ସବୁଠି ନାରୀ ନିର୍ଯ୍ୟାତନା ଚାଲିଛି । ରାଜ୍ୟରେ ୨୦ ବର୍ଷ ହେବ ଦୁର୍ନୀତିଗ୍ରସ୍ତ, ଭ୍ରଷ୍ଟାଚାରୀ ଶାସନ ଚାଲିଛି ବୋଲି ଅଭିଯୋଗ ଆଣିଛନ୍ତି ନିରଞ୍ଜନ ।

ମୁଖ୍ୟମନ୍ତ୍ରୀ ଗୃହ ବିଭାଗର ମୁଖ୍ୟ । ରାଜ୍ୟରେ ଆଇନ ଶୃଙ୍ଖଳା ସ୍ଥିତି ଅତ୍ୟନ୍ତ ଦୟନୀୟ । ମୁଖ୍ୟମନ୍ତ୍ରୀ ସାଧାରଣ ଲୋକଙ୍କ ଆସ୍ଥାଭାଜନ ହେବା ପାଇଁ କୌଣସି ପଦକ୍ଷେପ ଗ୍ରହଣ କରିନାହାଁନ୍ତି । ରାଜ୍ୟରେ ଆଇନ କାନୁନ ବୋଲି କିଛି ନାହିଁ । ବଡ ବଡ ଅଧିକାରୀ ଦୁର୍ନୀତିରେ ବୁଡ଼ି ରହିଥିବା ବେଳେ ଛୋଟ ଛୋଟ ଅଧିକାରୀଙ୍କୁ ଚାକିରୀରୁ ବିଦା କରି ରାଜ୍ୟ ସରକାର ଖାଲି ଲୋକଦେଖାଣିଆ କରୁଛନ୍ତି ବୋଲି କହିଛନ୍ତି ପିସିସି ସଭାପତି ।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ