ଭୁବନେଶ୍ବର: ରାଜଧାନୀରେ ଏନଆଇଏ ଟିମ । ଆତଙ୍କୀ ଆକ୍ରମଣ ସମ୍ପର୍କରେ ଆଲୋଚନା ପାଇଁ ଜାତୀୟ ତଦନ୍ତକାରୀ ସଂସ୍ଥା ଭୁବନେଶ୍ବରରେ ପହଞ୍ଚିଥିଲା । ଏନଆଇଏ ଡିଜି ୟୋଗେଶ ଚନ୍ଦର ମୋଦି, ଏନଆଇଏ ଆଇଜି ଓ ଅଫିସିଆଲ ଓଡିଶା ପୋଲିସ ସହ ଆତଙ୍କବାଦ ପ୍ରସଙ୍ଗରେ ଆଲୋଚନା ହୋଇଛି ।
ଏନେଇ ଭୁବନେଶ୍ବର ପୋଲିସ ଭବନରେ ଚାଲିଥିଲା କର୍ମଶାଳା । ରାଜ୍ୟ କ୍ରାଇମବ୍ରାଞ୍ଚ , ଏସଟିଏଫ ଓ ସିଆଇଡି ସହ ଅର୍ଥନୈତିକ ଅପରାଧ ଶାଖା(ଇଓଡବ୍ଲ୍ୟୁ) ସହ ଏନଆଇଏର ମିଳିତ ଉଦ୍ୟମରେ ଚାଲିଥିଲା ଏହି କର୍ମଶାଳା । ଉକ୍ତ କର୍ମଶାଳାରେ ଫୋକସରେ ରହିଥିଲା ଆତଙ୍କୀ ଆକ୍ରମଣ ସମ୍ବନ୍ଧୀୟ ଆଲୋଚନା । କର୍ମଶାଳାରେ ଟେରର ଗ୍ରୁପ ଉପରେ ଅଧିକ ଆଲୋଚନା ହୋଇଛି । କେବଳ ସେତିକି ନୁହେଁ ଟେରର ଫଣ୍ଡି, ଟେରର ଆକ୍ଟିଭିଟି, ଟେରର ଲିଙ୍କ ସମ୍ବନ୍ଧୀୟ ସମ୍ପର୍କରେ ଆଲୋଚନା ହୋଇଥିବା ନେଇ ସୂଚନା ମିଳିଛି ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ