ଭୁବନେଶ୍ବର: ବିଧାନସଭାରେ ସରକାରୀ କ୍ବାଟର୍ସକୁ ନେଇ ବିଧାୟକମାନେ ପୁଣିଥରେ ଉଦବେଗ ପ୍ରକାଶ କରିଛନ୍ତି । ମଙ୍ଗଳବାର ବିଧାୟକ ବିଷ୍ଣୁ ସେଠୀ ଏପ୍ରସଙ୍ଗକୁ ନେଇ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରିଥିଲେ ।
ବିଧାୟକ କ୍ଷୋଭ ପ୍ରକାଶ କରି କହିଥିଲେ, ବିଧାୟକମାନେ ନିର୍ବାଚିତ ହୋଇ ଆସିବାର 9 ମାସ ହୋଇଗଲାଣି । ଅଥଚ ବିଧାୟକଙ୍କୁ ସରକାରୀ ବାସଭବନ ଟିଏ ସରକାର ଯୋଗାଇ ଦେଇପାରି ନାହାଁନ୍ତି । ଫଳରେ ବିଧାୟକମାନେ ନାନା ସମସ୍ୟାର ସମ୍ମୁଖିନ ହେବା ସହ ନିର୍ବାଚନ ମଣ୍ଡଳୀରୁ ଆସୁଥିବା ଲୋକେ ମଧ୍ୟ ଅସୁବିଧା ଭୋଗୁଛନ୍ତି ।