ରାଜଧାନୀ ରାସ୍ତାରେ ଗ୍ୟାଙ୍ଗଷ୍ଟାରର ଶୁଭେଚ୍ଛା ବାର୍ତ୍ତା, ପୋଲିସ ଉପରକୁ ଉଠିଲା ପ୍ରଶ୍ନ

ଗ୍ୟାଙ୍ଗଷ୍ଟାର ରାଜା ଆଚାର୍ଯ୍ୟଙ୍କ ନୂଆବର୍ଷ ଶୁଭେଚ୍ଛା । ରାଜଧାନୀ ରାସ୍ତାରେ ରାଜା ଆଚାର୍ଯ୍ୟଙ୍କ ଫଟୋ ଲାଗିଥିବା ବେଳେ ଜନସାଧାରଣଙ୍କ ପାଇଁ ସୁଖ, ଶାନ୍ତି ପାଇଁ ଜଗନ୍ନାଥଙ୍କ ନିକଟରେ ପାର୍ଥନା କରିଛନ୍ତି । ଏହାସହ ବ୍ୟାନରଟିରେ ହିନ୍ଦୁ ସେନା ଲେଖା ଥିବା ବେଳେ ଏହାକୁ କିଏ ଲଗାଇଛି ତାହା ଜଣାପଡିନାହିଁ । ଅଧିକ ପଢନ୍ତୁ...

ଭୁବନେଶ୍ୱର: ଜେଲରେ ଥାଇ ଗ୍ୟାଙ୍ଗଷ୍ଟାର ରାଜା ଆଚାର୍ଯ୍ୟଙ୍କ ନୂଆବର୍ଷ ଶୁଭେଚ୍ଛା । ନିଜ ଭାବ ମୂର୍ତ୍ତି ସୁଧାରିବାକୁ ପ୍ରୟାସ ନା ଆଗାମୀ ଦିନରେ ରାଜ୍ୟ ରାଜନୀତିରେ କରିବେ ଯୋଗଦାନ । ଏହାକୁ ନେଇ ବୁଦ୍ଧିଜୀବୀଙ୍କ ମହଲରେ ଚର୍ଚ୍ଚା ଜୋର ଧରିଛି ।

ଏଭଳି ଚର୍ଚ୍ଚାର କାରଣ ହେଉଛି ରାଜଧାନୀରେ ଲାଗିଥିବା ଏକ ବ୍ୟାନର । ଯେଉଁଥିରେ ଗ୍ୟାଙ୍ଗଷ୍ଟାର ରାଜା ଆଚାର୍ଯ୍ୟଙ୍କ ଫଟୋ ଲାଗିଥିବା ବେଳେ ବର୍ଷଟି ଜନସାଧାରଣଙ୍କ ପାଇଁ ସୁଖ, ଶାନ୍ତି ଓ ସମୃଦ୍ଧିର ବର୍ଷ ହେଉ ବୋଲି ଜଗନ୍ନାଥଙ୍କ ନିକଟରେ ପାର୍ଥନା କରିଛନ୍ତି ।

ବ୍ୟାନରଟିରେ ହିନ୍ଦୁ ସେନା ଲେଖା ଥିବା ବେଳେ ଏହାକୁ କିଏ ଲଗାଇଛି ତାହା ଜଣାପଡିନାହିଁ । ତେବେ ରାଜଧାନୀରେ ବ୍ୟାନର ଓ ପୋଷ୍ଟର ନେଇ ବିଏମସିର ସ୍ବତନ୍ତ୍ର ଗାଇଡଲାଇନ ଥିବାବେଳେ କିଭଳି ଏହି ବ୍ୟାନର ଲାଗିଛି, ସେନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।

ସୂଚନାଯୋଗ୍ୟ କି ବିରଞ୍ଚି ହତ୍ୟାକାଣ୍ଡରେ ସମ୍ପୃକ୍ତ ଥାଇ ଗିରଫ ହୋଇ ଜେଲେ ଯାଇଥିଲେ । ପରେ ଜାମିନରେ ଆସିଥିବା ବେଳେ ନିକଟରେ ଦାଦାବଟି ମାଗିବା ଅଭିଯୋଗରେ ପୁଣି ଥରେ ଜେଲ ଯାଇଥିଲେ । ସେଥିରୁ ବେଲ ମିଳିବା ପରେ ଏନଏସଏରେ ଗିରଫ ହୋଇ ଏବେ ଜେଲରେ ରହିଛନ୍ତି ।

ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ