ଭୁବନେଶ୍ବର: ଟିକସ ବଢିଛି, ହେଲେ ଜୋରିମାନା କମିଛି । ରାଜ୍ୟରେ ନୂଆ ମୋଟର ଯାନ ଆଇନ ଲାଗୁ ପରେ ଫାଇନ ଆଦାୟକୁ ଟିକସ ବଢ଼ିଛି ହେଲେ ଜୋରିମାନା କମିଛି ବୋଲି ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି ।
ନୂଆ ମୋଟର ଯାନ ଆଇନ; ଟିକସ ବଢିଛି, ଦୁର୍ଘଟଣା ଓ ଜୋରିମାନା କମିଛି ତେବେ ସେପ୍ଟେମ୍ବର ଓ ଅକ୍ଟୋବର ଦୁଇ ମାସରେ ୧୩ କୋଟି ୮୫ ଲକ୍ଷ ଜୋରିମାନା ଆଦାୟ ହୋଇଛି । ଗତବର୍ଷ ଏହି ଦୁଇ ମାସରେ ଆଦାୟ ହୋଇଥିଲା ୨୦ କୋଟି ୬ ଲକ୍ଷ । ସେହିପରି ଦୁଇ ମାସରେ ୨୪୪ କୋଟି ୬୪ ଲକ୍ଷ ଟିକସ ଆଦାୟ ହୋଇଥିଲା ବେଳେ ଗତ ବର୍ଷ ୨୦୨ କୋଟି ଆଦାୟ ହୋଇଥିଲା । ଏନେଇ ପରିବହନ ମନ୍ତ୍ରୀ କହିଛନ୍ତି, ଆମେ ଆଇନ କଡାକଡି କରିଥିଲୁ । କେବଳ ଭୁବନେଶ୍ବରରେ ଏହାକୁ ନେଇ ଧରାପଗଡ଼ ହୋଇଥିଲା । ଅନ୍ୟ କେଉଁଠି କଡାକଡି ପାଳନ ହୋଇନାହିଁ। । ସେଥିପାଇଁ ଟିକସ ସଂଗ୍ରହ କମିଛି ।
ସେହିପରି ନୂଆ ମୋଟର ଯାନ ଯୋଗୁଁ ଦୁର୍ଘଟଣା ହାର କମିଥିବା ମନ୍ତ୍ରୀ କହିଛନ୍ତି । ରାଜ୍ୟରେ ବର୍ଷକୁ ବର୍ଷ ବଢ଼ିବାରେ ଲାଗିଛି ଦୁର୍ଘଟଣା ଓ ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା । ଗତ2016 ରୁ 2019 ଭିତରେ କ୍ରମାଗତ ଭାବେ ବଢି ଚାଲିଛି ଦୁର୍ଘଟଣା । ଗତ2016 ରେ 10 ହଜାର 532 ଦୁର୍ଘଟଣା ଘଟିଥିବା ବେଳେ 4 ହଜାର 463 ଜଣଙ୍କ ମୃତ୍ୟୁ ଘଟିଛି । ସେହିଭଳି 2017 ମସିହାରେ 10 ହଜାର 855 ଦୁର୍ଘଟଣା ଘଟିଥିବା ବେଳେ 4 ହଜାର 790 ଜଣଙ୍କ ମୃତ୍ୟୁ ଘଟିଛି । 2018 ମସିହାରେ 11 ହଜାର 262 ଟି ଦୁର୍ଘଟଣା ଘଟିଥିବା ବେଳେ 5 ହଜାର 315 ଜନଙ୍କ ମୃତ୍ୟୁ ଘଟିଛି । 2019ରେ ବର୍ତ୍ତମାନ ସୁଦ୍ଧା 8 ହଜାର 203 ଦୁର୍ଘଟଣା ଘଟିଥିବା ବେଳେ 4 ହଜାର 115 ଜଣଙ୍କ ମୃତ୍ୟୁ ଘଟିଛି । ବିଧାୟକ ପ୍ରଶାନ୍ତ ବେହେରାଙ୍କ ପ୍ରଶ୍ନର ଉତ୍ତର ରଖି ପରିବହନ ମନ୍ତ୍ରୀ ପଦ୍ମନାଭ ବେହେରା ଏହି ତଥ୍ୟ ଦେଇଛନ୍ତି । ନୂଆ ଆଇନ ଦ୍ବାରା ସମ୍ଭବ ଏହା ହୋଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
