ଭୁବନେଶ୍ବର: ସେପ୍ଟେମ୍ବର ପହିଲାରୁ ସାରା ଦେଶରେ ଲାଗୁ ହୋଇଛି ନୂତନ ସଂଶୋଧିତ ମୋଟର ଯାନ ଆଇନ୍ । ଏହି ଆଇନ ଲାଗୁ ହେବା ପରେ ବିଭିନ୍ନ ସ୍ଥାନରେ ପୋଲିସ ଜାରି ରଖିଛି ଚଢାଉ । ଆଦାୟ କରୁଛି ମୋଟା ଅଙ୍କର ଫାଇନ । ନୂଆ ଆଇନରେ ମୁଖ୍ୟତଃ ବାଇକ୍ ଓ ଅଟୋ ଚାଳକ ହେଉଛନ୍ତି ଅଧିକ ପ୍ରଭାବିତ ।
ଜନତାଙ୍କୁ ମାଡ଼, ନେତା ଓ ପୋଲିସଙ୍କୁ ଛାଡ଼
ସାଧାରଣ ଜନତାଙ୍କୁ ଏବେ ଘାରିଛି ଫାଇନ ଭୟ । ହେଲେ ନିୟମକୁ ତିଆରି କୁରୁଥିବା ବାବୁ ନିଜେ କେତେ ମାନୁଛନ୍ତି, ତାହାର ରିୟଲିଟ୍ ଚେକ୍ କରିଛି ଇଟିଭି ଭାରତ । ଖୋଦ ନିୟମର ଏନ୍ତୁଡ଼ି ଶାଳ ଲୋକସେବା ଭବନରେ ଆମ କ୍ୟାମେରା ତୋଳି ଧରିଛି ଏମିତି କିଛି ଦୃଷ୍ୟ । ବରିଷ୍ଠ ବିଜେଡି ନେତା ତଥା ବିଧାୟକ ବିଷ୍ଣୁ ଦାସ । ନିଜ ଗାଡିରେ ଆସି ପହଞ୍ଚିଥିଲେ ଲୋକସେବା ଭବନରେ । କିନ୍ତୁ ସିଟ୍ ବେଲ୍ଟ ବାନ୍ଧି ନଥିଲେ ବିଧାୟକ ବାବୁ । ଏନେଇ ବିଷ୍ଣୁ ଦାସଙ୍କୁ ପଚରାବାରୁ ଉତ୍ତରରେ ବିଷ୍ଣୁ କହିଛନ୍ତି ଯେ,ମୁଁ ଅଣ୍ଟା ରେ ବେଲ୍ଟ ପିନ୍ଧିଛି । ସିଟ୍ ବେଲ୍ଟ ପିନ୍ଧିନାହିଁ ।