ଭୁବନେଶ୍ବର: କେନ୍ଦ୍ର ସରକାରଙ୍କ ସଡକ ପରିବହନ ଓ ରାଜପଥ ମନ୍ତ୍ରାଳୟ ଦ୍ବାରା ବିଜ୍ଞପ୍ତି ସଂଖ୍ୟା so-3110(E) 28 . 8. 2019 ଅନୁଯାୟୀ ମୋଟର ଯାନ ଆଇନ 1988 ସଂଶୋଧନ କରାଯାଇଛି । ଯାହାକି ଆସନ୍ତା କାଲିଠୁ ରାଜ୍ୟରେ ଲାଗୁ କରାଯିବ । ଇଲେକ୍ଟ୍ରୋନିକ୍ସ ମେସିନ ମାଧ୍ୟମରେ ପ୍ରଦାନ କରାଯାଉଥିବା ସେବା ଗୁଡିକୁ ସହଜ ଏବଂ ସରଳ କରିବା କରିବା ମୋଟର ଯାନ ଆଇନର ଉଦ୍ଦେଶ୍ୟ ।
ଫଟୋ ସୌଜନ୍ୟ: ସମ୍ବାଦଦାତା, ଭୁବନେଶ୍ବର ଦୁର୍ଘଟଣାଗ୍ରସ୍ତ ଲୋକ ମାନଙ୍କୁ ସହାୟତା କରୁଥିବା ବ୍ୟକ୍ତି ମାନଙ୍କ ପାଇଁ ସଡକ ପରିବହନ ଆଇନରେ କେତେକ ସଂଶୋଧନ ମଧ୍ୟ କରାଯାଇଛି । ଏହା ଦ୍ବାରା ସହାୟତା କରୁଥିବା ବ୍ୟକ୍ତି ଉତ୍ପୀଡନରୁ ରକ୍ଷା ପାଇବେ ଏବଂ ସଡକ ଦୁର୍ଘଟଣା ଲୋକମାନେ ଗୋଲ୍ଡେନ ଆୱାରରେ ଚିକିତ୍ସା ପାଇବେ । ଅଜଣା ଗାଡି ଧକ୍କା ରେ ମୃତାହତ ବ୍ୟକ୍ତିଙ୍କୁ ଆର୍ଥିକ ସହାୟତା ନିମନ୍ତେ ମୋଟର ଯାନ ପାଣ୍ଠି ଗଠନ କରିବା ତଥା ସମସ୍ତ ସଡକ ବ୍ୟବହାର କାରୀଙ୍କୁ ବାଧ୍ୟତା ମୂଳକ ଭାବେ ବୀମା ଯୋଜନାରେ ଅନ୍ତର୍ଭୁକ୍ତ କରିବା ପାଇଁ ଆଇନରେ ବ୍ୟବସ୍ଥା ଅଛି ।
ଫଟୋ ସୌଜନ୍ୟ: ସମ୍ବାଦଦାତା, ଭୁବନେଶ୍ବର ସଡକ ସୁରକ୍ଷାରେ ଉନ୍ନତି ପରିବହନ ବିଭାଗ ଦ୍ବାରା ପ୍ରଦାନ କରାଯାଉଥିବା ସେବା ସୁବିଧା, ଗ୍ରାମଞ୍ଚଳ ପରିବହନ ବ୍ୟବସ୍ଥାର ଉନ୍ନତି, ଅନ୍ତିମପଥ ସଂଯୋଗୀକରଣ ବ୍ୟବସ୍ଥା, ପରିବହନ ସେବା ,ସ୍ବୟଂଚାଳନା ପାଇଁ ଉକ୍ତ ସଂଶୋଧିତ ଆଇନରେ ଲାଗୁ କରାଯାଇଛି । ସେହିପରି ଟ୍ରାଫିକ ଆଇନ ଉଲ୍ଲଂଘନକାରୀଙ୍କୁ ନିୟମ ଭାଙ୍ଗିବାରୁ ନିବୃତ୍ତ କରାଇବା, ଜରିମାନା ଏବଂ ଦଣ୍ଡର ବ୍ୟବସ୍ଥା କରାଯାଇଛି । ବିଭିନ୍ନ ଆଇନ ଉଲଂଘନକାରୀଙ୍କୁ electronic ଯନ୍ତ୍ର ମାଧ୍ୟମରେ ଚିହ୍ନଟ କରାଯିବାର ବ୍ୟବସ୍ଥା ଅଛି । ନାବାଳକ ମାନେ ଗାଡି ଚଳାଇଲେ ଅଭିଭାବକ ଓ ଗାଡି ମାଲିକ ଦାୟୀ ରହିବେ । ଜରିମାନା ସହ ଦଣ୍ଡ ମଧ୍ୟ ଭାଗିବେ । ଏହା ଆସନ୍ତା କାଲିଠୁ ବିଧିବଦ୍ଧ ଭାବେ ଲାଗୁ କରାଯିବ ନେଇ ପରିବହନ ସଚିବ ଜି. ଶ୍ରୀନିବାସ ସୂଚନା ଦେଇଛନ୍ତି ।
- ଏହି ନୂଆ ନିୟମ ନମାନିଲେ କ’ଣ ରହିଛି ଦଣ୍ଡବିଧାନ.....
- 1.ହେଲମେଟ୍ ନ ପିନ୍ଧିଲେ ୧ ହଜାର ଟଙ୍କା
- 2.ସିଗ୍ନାଲ ନ ମାନିଲେ ୫ ହଜାର ଟଙ୍କା
- 3.ସିଟ୍ବେଲ୍ଟ ନ ବାନ୍ଧିଲେ ୧ ହଜାର ଟଙ୍କା
- 4.ମଦ୍ୟପାନ କରି ଗାଡ଼ି ଚଳାଇଲେ ୧୦ ହଜାର ଟଙ୍କା
- 5.ବାଇକ୍ରେ ୩ ଜଣ ବସିଲେ ୫ ହଜାର ଟଙ୍କା
- 6.ମୋବାଇଲରେ କଥା ହୋଇ ଗାଡ଼ି ଚଳାଇଲେ ୫ ହଜାର ଟଙ୍କା
- 7.ବିନା ଲାଇସେନ୍ସରେ ଗାଡ଼ି ଚଳାଇଲେ ୫ ହଜାର ଟଙ୍କା
- 8.ଆମ୍ବୁଲାନ୍ସକୁ ରାସ୍ତା ନ ଦେଲେ ୧୦ ହଜାର ଟଙ୍କା
- 9.ଯୋଗ୍ୟତା ଅନୁସାରେ ଗାଡ଼ି ନ ଚଳାଇଲେ ୫ ହଜାର ଟଙ୍କା
- 10.ବେପରୁଆ ଭାବେ ଗାଡ଼ି ଚଳାଇଲେ ୫ ହଜାର ଟଙ୍କା ଦେବାକୁ ପଡ଼ିବ ବୋଲି ଟ୍ରାଫିକ୍ ବୋର୍ଡରେ ଉଲ୍ଲେଖ ରହିଛି।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
