ଭୁବନେଶ୍ବର:ନକଲି ଡାକ୍ତର ରମେଶ ସ୍ବାଇଁ ନାଁରେ ବଢୁଛି ଠକେଇ ଅଭିଯୋଗ । ଦିନ ଗଡିବା ସହିତ ବୃଦ୍ଧି ପାଉଛି ଠକେଇ ମାମଲା । ଏବେ ଗୌହାଟିର ଜଣେ ସରକାରୀ ଡାକ୍ତରଣୀଙ୍କୁ ୨୧ ଲକ୍ଷର ଚୁନ ଲଗାଇଥିବା ଅଭିଯୋଗ ହୋଇଛି । ମ୍ୟାଟ୍ରିମୋନିଆଲ ସାଇଟରେ ପ୍ରଥମେ ଦେଖା ହୋଇଥିଲେ ମହିଳା ଡାକ୍ତର ଓ ଠକ ରମେଶ । ପରେ ୨୦୨୧ ମେ ୩୧ ତାରିଖ ଦିନ ଗୌହାଟିରେ କୋରୋନା କଟକଣା ଭିତରେ ପରିବାର ଲୋକଙ୍କ ଉପସ୍ଥିତିରେ ବିବାହ କରିଥିଲେ ରମେଶ ।
ଖୋଲୁଛି ନକଲି ଡାକ୍ତର କେଳେଙ୍କାରି ପେଡି, ମିଛ ଜାଲରେ ଫସିଥିଲେ ଗୌହାଟୀ ଡାକ୍ତରାଣୀ
ରମେଶଙ୍କ ପକ୍ଷରୁ ରମେଶର ଭିଣୋଇ ଗଣେଶ ଓ ରମେଶ ଡ୍ରାଇଭର ପପୁ ଉପସ୍ଥିତ ରହିଥିଲେ । ପୂର୍ବ ପ୍ରସ୍ତୁତି ଅନୁସାରେ ସେଠାରେ ସାବତ ମା’, ଭଉଣୀ, ପୁରୋହିତ ଉପସ୍ଥିତ ରହି ବୈଦିକ ରିତିନୀତି ଅନୁସାରେ ଗୃହ ପ୍ରବେଶ କରାଇଥିଲେ । ଭଉଣୀ ଜଣଙ୍କ ନଣନ୍ଦ ପୁଟୁଳି ବାବଦକୁ ସୁନା, ମୋବାଇଲ, ଦାମୀ ଶାଢି, ମଧ୍ୟ ନେଇଥିଲେ ।