ଭୁବନେଶ୍ବର: ଓଡିଶା ପ୍ରଦେଶ କଂଗ୍ରେସ ଅଧିକ ସଂଗଠିତ ହେବ । ଯୁବକ ମାନଙ୍କୁ ଅଧିକ ଗୁରୁତ୍ବ ଦିଆଯିବ । ଛାତ୍ର,ମହିଳା ଏବଂ କଂଗ୍ରେସର ସମସ୍ତ ଛାମୁଆ ସଂଗଠନ ଗୁଡିକୁ ଅଧିକ ସକ୍ରିୟ କରାଯାଇ 2024 ନିର୍ବାଚନ ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯିବ । ସୋମବାର ଏନେଇ ସୂଚନା ଦେଇଛନ୍ତି ନବ ନିଯୁକ୍ତ ପିସିସି ସଭାପତି ଶରତ ପଟ୍ଟନାୟକ ।
କଂଗ୍ରେସକୁ ସଂଗଠିତ ପାଇଁ ଆୟୋଜନ ହେବ ନବ ସଂକଳ୍ପ ଶିବିର
ସେହିପରି ଦଳ ଛାଡି ଥିବା ପୁରୁଖା ନେତାଙ୍କୁ ମଧ୍ୟ ଶରତ ପଟ୍ଟନାୟକ ଦଳକୁ ଫେରିଆସିବାକୁ ଆହ୍ବାନ ଦେଇଛନ୍ତି । ସେମାନଙ୍କୁ ଦଳରେ ସସମ୍ମାନେ ଗ୍ରହଣ କରାଯିବ ବୋଲି ଶରତ କହିଛନ୍ତି। ତେବେ ଆସନ୍ତା ଜୁନ 1,2 ତାରିଖରୁ ଭୁବନେଶ୍ବରରେ ଦୁଇ ଦିନିଆ ଚିନ୍ତନ ଶିବିର ଅନୁଷ୍ଠିତ ହେବ ବୋଲି ଶରତ ସୂଚନା ଦେଇଛନ୍ତି। 2024 ସାଧାରଣ ନିର୍ବାଚନରେ କିଭଳି ବିଜେଡି ସରକାରକୁ ଚେକ୍ ଦେଇ କଂଗ୍ରେସ ଶାସନ କ୍ଷମତା କୁ ଆସିବ ସେ ନେଇ ବିଶେଷ ଆଲୋଚନା ହେବ।