ଭୁବନେଶ୍ବର: ସର୍ବଭାରତୀୟ ମେଡିକାଲ ପ୍ରବେଶିକା ପରୀକ୍ଷା ନିଟ (NEET) ପାଇଁ ପ୍ରସ୍ତୁତି ଆରମ୍ଭ ହୋଇଛି । ଆସନ୍ତା ସେପ୍ଟେମ୍ବର 12 ତାରିଖରେ କୋଭିଡ କଟକଣା ମଧ୍ୟରେ ପରୀକ୍ଷା କରାଯିବ । ତେବେ ଏ ସମ୍ପର୍କରେ ଇଷ୍ଟ ଜୋନର କୋଡିନେଟର ପଲ୍ଲୀ ପଟ୍ଟନାୟକ ସୂଚନା ଦେଇଛନ୍ତି ।
ନିଟ ପାଇଁ ଚାଲିଛି ପ୍ରସ୍ତୁତି, କୋଭିଡ କଟକଣାରେ ହେବ ପରୀକ୍ଷା
ନିଟ ପରୀକ୍ଷାକୁ ଇଷ୍ଟ ଜୋନର କୋଡ଼ିନେଟର ପଲ୍ଲୀ ପଟ୍ଟନାୟକ ସ୍ବାଗତ କରିଛନ୍ତି । ସମସ୍ତ ପ୍ରସ୍ତୁତ ଶେଷ ହୋଇଛି। ତୃତୀୟ ଲହର ହେଲେ ମଧ୍ୟ ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ଭରସା ଦିଆଯାଇଛି । ପରୀକ୍ଷା ସମୟରେ ସମସ୍ତ କେନ୍ଦ୍ରରେ କୋଭିଡ଼ କଟକଣା ପାଳନ କରାଯିବ। ସାମାଜିକ ଦୂରତା ବଜାଇ ରଖିବା ପାଇଁ ଏଥର ଅଧିକ ପରୀକ୍ଷା କେନ୍ଦ୍ର କରାଯାଇଛି । ଏପରିକି ଗ୍ରାମାଞ୍ଚଳରେ ମଧ୍ୟ ପରୀକ୍ଷା କେନ୍ଦ୍ର ହୋଇଛି । ତେବେ କୌଣସି ଅସୁବିଧା ହେବ ନାହିଁ । ପିଲାମାନେ ନିଦ୍ବନ୍ଦ୍ବରେ ପାଠପଢି ପରୀକ୍ଷା ଦିଅନ୍ତୁ ବୋଲି ସେ କହିଛନ୍ତି ।