ଭୁବନେଶ୍ବର: ରାଜ୍ୟରେ ପ୍ରାୟ 32 ଲକ୍ଷ ଚାଷୀ ବ୍ୟବହାର କରୁଛନ୍ତି ମୋବାଇଲ ଫୋନ । ଚାଷୀଙ୍କ ମୋବାଇଲ ବ୍ୟବହାର ନେଇ ବିଧାୟକ ନବ ଚରଣ ମାଝୀଙ୍କ ପ୍ରଶ୍ନର ଉତ୍ତରରେ ଏହି ସୂଚନା ଦେଇଛନ୍ତି କୃଷି ମନ୍ତ୍ରୀ । କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ କହିଛନ୍ତି ଯେ, "ଆମ କୃଷି" କାର୍ଯ୍ୟକ୍ରମରେ ରାଜ୍ୟର 31, 97, 229 ଜଣ ଚାଷୀ ମୋବାଇଲ ଫୋନ ବ୍ୟବହାର କରୁଛନ୍ତି ।
ସେ ଆହୁରି କହିଛନ୍ତି, ‘‘2018 ମସିହାରେ ଆରମ୍ଭ ହୋଇଥିବା "ଆମ କୃଷି" କାର୍ଯ୍ୟକ୍ରମରେ 2022 ମସିହା ପର୍ଯ୍ୟନ୍ତ ବିଭିନ୍ନ ଜିଲ୍ଲାର ଚାଷୀଙ୍କୁ ମୋବାଇଲ ଫୋନରେ କୃଷି ଭିତ୍ତିକ ପରାମର୍ଶ ସେବା ଯୋଗାଇ ଦିଆଯାଇଛି । ରାଜ୍ୟରେ 8 ଲକ୍ଷ 65 ହଜାର 846 ଜଣ ନାମମାତ୍ର, 3 ଲକ୍ଷ 46 ହଜାର 273 ଜଣ କ୍ଷୁଦ୍ର ଓ 1 ଲକ୍ଷ 88 ହଜାର 363 ଜଣ ମଧ୍ୟମ ବର୍ଗର ଚାଷୀ ଏବଂ 70 ହଜାର 3 ଜଣ ବୃହତ ଚାଷୀଙ୍କୁ କୃଷି ସମ୍ବନ୍ଧୀୟ ପରାମର୍ଶ ପ୍ରଦାନ କରାଯାଇଛି । ସେମାନଙ୍କ ମଧ୍ୟରୁ 3 ଲକ୍ଷ 66 ହଜାର 286 ଜଣ ଚାଷୀ ଧାନ ଫସଲ ବ୍ୟତୀତ ଅନ୍ୟାନ୍ୟ ଅର୍ଥକାରୀ ଫସଲ ଉତ୍ପାଦନ କରୁଥିଲେ ।
ଇଟିଭି ଭାରତ, ଭୁବନେଶ୍ବର