ଗୁରୁଦିବସର ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ନବୀନ

ଆଜି ଦେଶବ୍ୟାପୀ ପାଳନ ହେଉଛି ଗୁରୁଦିବସ। ଏହି ଅବସରରେ ଶିକ୍ଷକଙ୍କୁ ସମ୍ମାନ ଜଣାଇବା ସହ ରାଧାକୃଷ୍ଣନଙ୍କ ଜନ୍ମଦିନର ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ଭୁବନେଶ୍ବର: ଆଜି ଦେଶବ୍ୟାପୀ ପାଳନ ହେଉଛି ଗୁରୁଦିବସ। ଶିକ୍ଷକମାନଙ୍କୁ ସମ୍ମାନ ଜଣାଇ ପ୍ରତିବର୍ଷ ସେପ୍ଟେମ୍ବର ମାସ 5 ତାରିଖରେ ଏହି ଦିବସର ପାଳନ କରାଯାଏ। ତେବେ ଶିକ୍ଷକତା ମାଧ୍ୟମରେ ଭାରତକୁ ଆଗକୁ ନେବାର ନୂଆ ଉଦାହରଣ ସୃଷ୍ଟି କରିଥିବା ପୂର୍ବତନ ରାଷ୍ଟ୍ରପତି ତଥା ଭାରତରତ୍ନ ଡା. ସର୍ବପଲ୍ଲୀ ରାଧାକୃଷ୍ଣନଙ୍କର ଭୂମିକା ଗୁରୁତ୍ବପୂର୍ଣ୍ଣ।

ଏହି ପବିତ୍ର ଦିନରେ ଶୁଭେଚ୍ଛାର ସୁଅ ଛୁଟୁଛି। ଏହି ଅବସରରେ ଶିକ୍ଷକଙ୍କୁ ସମ୍ମାନ ଜଣାଇବା ସହ ରାଧାକୃଷ୍ଣନଙ୍କ ଜନ୍ମଦିନର ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

''ଭବିଷ୍ୟତ ପାଇଁ ପ୍ରସ୍ତୁତ ଏବଂ ସମାଜରେ ଅବଦାନ ପାଇଁ ଯୁବ ମନକୁ ପୋଷଣ କରିବାରେ ଶିକ୍ଷକମାନେ ପ୍ରମୁଖ ଭୂମିକା ଗ୍ରହଣ କରନ୍ତି । ଶିକ୍ଷକ ଦିବସ ଅବସରରେ, ଆଦର୍ଶ ଶିକ୍ଷକ, ବିଦ୍ୱାନ, ଦାର୍ଶନିକ ତଥା ପୂର୍ବତନ ରାଷ୍ଟ୍ରପତି ଡଃ ଏସ୍ ରାଧାକ୍ରିଷ୍ଣନଙ୍କୁ ମୋର ଶ୍ରଦ୍ଧାଞ୍ଜଳି'' ବୋଲି ନବୀନ ଟ୍ବିଟ କରିଛନ୍ତି।''